Sherqiy türkistan azadliq teshkilati memtili tursunni tonumaydighanliqini bildürdi


2007-02-23
Share

Muhemmet'eli tursun talip qirghizistan téléwiziyiside qilghan sözliride, 1977‏- yili 18‏- awghust küni ürümchide tughulghanliqini hemde 1999‏-yili abduraxman isimlik bir kishining yénida herbiy telim körgenlikini bildürgen. Lékin, sherqiy türkistan azadliq teshkilati mes'ulliri, muhemmet'eli tursun talipni qet'iy tonumaydighanliqini, uning sherqiy türkistan azadliq teshkilati bilen héchqandaq munasiwiti yoqluqini bildrümekte.

Sherqiy türkistan azadliq teshkilatining mes'ullirining biri bolghan, hazir gérmaniyide yashawatqan ablimit tursun, muhemmet'eli tursun talipning qirghizistan téléwiziyiside qilghan sözliri xitay teripidin orunlashturulghan bir oyun bolushi mumkin, dédi. U, sherqiy türkistan azadliq teshkilatining ottura asiya döletliride siyasiy muqimsizliq yaritish meqsiti yoqluqini bildürdi.

Qirghizistandiki Uyghur pa'aliyetchiler bolsa, muhemmet'eli tursunning qirghizistan téléwiziyidiki rahet heriketliri we saqchilar bilen chaqchaqlashqan körinishliri, uning qolgha élin'ghan we bésim astida turuwatqan bir kishi ikenlikini eks ettürmeydu, déyishmekte. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet