Мәрһум муһәммәд салиһ һаҗим артишниң һаят иш ‏- излири

Истанбулда яшаватқан пешқәдәм җамаәт әрбаби муһәммәд салиһ һаҗим артиш 2010 ‏- йили 11 ‏- айниң 13 ‏- күни истанбул шәһиридә 87 йешида вапат болди. Мәрһумниң җиназа намизи 11 ‏- айниң 13 ‏- күни истанбулдики фатиһ җамәсидә оқулди вә әйюп қәбристанлиқиға дәпнә қилинди.
Мухбиримиз арслан
2010-11-16
Share
Muhammad-salih-hajim-sozde-305 Сүрәт, мәрһум муһәммәд салиһ һаҗим артишниң һайат вахтидики сүрәтлириниң бири.
RFA Photo / Arslan

Мәрһумни дәпнә қилиш мурасимиға истанбулдики уйғурларниң һәммиси дегидәк қатнашти.

Мәрһум муһәммәд салиһ һаҗим (мәмәт сәләй һаҗим ) артиш, 1923 ‏- йили 2 ‏- айниң 12 ‏- күни астин атушниң мәшһәт кәнти қумбағ мәһәллисидә бир тевип аилисидә дуняға кәлгән. 7 яшқичә аилә тәрбийисидә болған кейин шу дәврдики дини мәктәптә 11 яшқичә илим тәһсил қилған. Кейин, түркийидә билим алған мәмтили тәвпиқ әпәндиниң атушта ачқан руштийә мәктипидә оқушни давам қилған. У, 1939-йили оқуш үчүн ғулҗиға кәлгән вә 1944 ‏- йили ғулҗида қурулған мустәқил шәрқий түркистан җумһурийитини көрүш пурситигә еришкән.
Muhammad-salih-hajim-jinazisi-305
Сүрәт, мәрһум муһәммәд салиһ һаҗим артишниң җиназа намизи чүшүрүлүш алдида фатиһ җамәсидики намаз кәлгән җамаәттин бир көрүнүш.
RFA Photo / Arslan
 
Мәрһум муһәммәд салиһ һаҗим артиши 1949 ‏- йилдин кейин хитай коммунист һакимийитиниң еғир бесим вә зулумлириға учриған вә юртидин көчүшкә мәҗбур болуп, 1981 ‏- йили истанбулға муһаҗир болуп көчүп кәлгән. Мәрһум 1981 ‏- йилдин буян истанбулда яшап кәлгән иди. Мәрһумниң аяли биби салихан артиш 2004 ‏- йили 3 ‏- айниң 18 ‏- күни истанбулда, 82 ‏- йешида вапат болған. Мәрһумниң түркийидә икки оғул бир қизи бар болуп юрти атушта төт оғул бир қизи җәмий 8 пәрзәнти бар икән.

Биз мәрһумниң һаят иш излири һәққидә шәрқий түркистан вәхпиниң рәиси һамут көктүрк әпәнди билән сөһбәт елип бардуқ.

Һамут көктүрк әпәндиниң билдүрүшичә, мәрһум муһәммәд салиһ һаҗим артиши шәрқий түркистан даваси үчүн актип хизмәт қилған шәхсләрдин бири, у шундақла уйғурлар үчүн мадди вә мәниви җәһәттә ярдәм қилип, хизмәт қилған вәтәнпәрвәр зат иди.

Мәрһум, истанбулдики уйғур җамаити арисида һөрмәткә сазавәр мөтивәр шәхс иди. Мәрһум һаят вақтида шәрқий түркистан вәхпидә бир мәзгил хизмәт қилған вә шәрқий түркистан миллий қурултийиниң қурулушида муһим рол ойниған.

Биз йәнә, мәрһум муһәммәд салиһ һаҗимни атуштики вақтидин башлап йеқиндин тонуйдиған, һазир истанбулда яшаватқан пешқәдәм мойсипитләрдин исмаил һаҗим билән мәрһум муһәммәд салиһ һаҗим һәққидә сөһбәт елип бардуқ.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

 
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт