Merhum muhemmed salih hajim artishning hayat ish - izliri
Süret, merhum muhemmed salih hajim artishning hayat waxtidiki süretlirining biri.
RFA Photo / Arslan
u1116-arslan
Merhumni depne qilish murasimigha istanbuldiki Uyghurlarning hemmisi dégidek qatnashti.
Merhum muhemmed salih hajim (memet seley hajim ) artish, 1923 - yili 2 - ayning 12 - küni astin atushning meshhet kenti qumbagh mehelliside bir téwip a'iliside dunyagha kelgen. 7 Yashqiche a'ile terbiyiside bolghan kéyin shu dewrdiki dini mektepte 11 yashqiche ilim tehsil qilghan. Kéyin, türkiyide bilim alghan memtili tewpiq ependining atushta achqan rushtiye mektipide oqushni dawam qilghan. U, 1939-yili oqush üchün ghuljigha kelgen we 1944 - yili ghuljida qurulghan musteqil sherqiy türkistan jumhuriyitini körüsh pursitige érishken.
Merhum muhemmed salih hajim artishi 1949 - yildin kéyin xitay kommunist hakimiyitining éghir bésim we zulumlirigha uchrighan we yurtidin köchüshke mejbur bolup, 1981 - yili istanbulgha muhajir bolup köchüp kelgen. Merhum 1981 - yildin buyan istanbulda yashap kelgen idi. Merhumning ayali bibi salixan artish 2004 - yili 3 - ayning 18 - küni istanbulda, 82 - yéshida wapat bolghan. Merhumning türkiyide ikki oghul bir qizi bar bolup yurti atushta töt oghul bir qizi jem'iy 8 perzenti bar iken.
Biz merhumning hayat ish izliri heqqide sherqiy türkistan wexpining re'isi hamut köktürk ependi bilen söhbet élip barduq.
Hamut köktürk ependining bildürüshiche, merhum muhemmed salih hajim artishi sherqiy türkistan dawasi üchün aktip xizmet qilghan shexslerdin biri, u shundaqla Uyghurlar üchün maddi we meniwi jehette yardem qilip, xizmet qilghan wetenperwer zat idi.
Merhum, istanbuldiki Uyghur jama'iti arisida hörmetke sazawer mötiwer shexs idi. Merhum hayat waqtida sherqiy türkistan wexpide bir mezgil xizmet qilghan we sherqiy türkistan milliy qurultiyining qurulushida muhim rol oynighan.
Biz yene, merhum muhemmed salih hajimni atushtiki waqtidin bashlap yéqindin tonuydighan, hazir istanbulda yashawatqan péshqedem moysipitlerdin isma'il hajim bilen merhum muhemmed salih hajim heqqide söhbet élip barduq.
Yuqiridiki awaz ulinishidin, bu heqtiki melumatimizning tepsilatini anglaysiler.
- Gülistan eziz: “Ikkinchi wetinim-yaponiyeni xitay tehtididin agahlandurush we qoghdash méning burchum”
- D u q pütün dunyadiki Uyghurlarni “5-Iyul ürümchi qirghinchiliqi” ning 13 yilliqini xatirileshke chaqirdi
- Türkiye bilen qazaqistanning b d t kishilik hoquq aliy kéngishining 50-qétimliq yighinida Uyghur mesilisini tilgha élishi némidin bisharet béridu?
- Xitay qaramayda tunji bolup sinaq qiliwatqan eqliy iqtidarliq charlighuchi mashina qandaq nerse?
- “Qanliq shawgu'en weqesi” ning 13 yilliq xatire küni: “Dunya bu weqeni untup qalmasliqi kérek”
