D u q wekilliri 6-nöwetlik yawrupa türkliri metbu'ati yighinigha qatnashti


2007-06-12
Share

2007-Yili 6-ayning 9-küni gollandiyining amstérdam shehiride „6-nöwetlik yawrupa türkliri metbu'at yighini" ötküzüldi. Bu yighin'gha dunyaning her qaysi elliridin kelgen yazghuchilar, muxbirlar we mutexessisler qatnashqandin sirt, teklipke bina'en dunya Uyghur qurultiyi yashlar komitétining mudiri we „gollandiye sherqiy türkistan wexpi" teshkilatining re'isi bextiyar shemshidin ependi bashchiliqidiki bir guruppa Uyghur wekillirimu ishtirak qilghan.

Uyghurlar mesilisi asasi téma qilin'ghan

9-Iyun küni, etigen sa'et 10:00 da bashlinip, kech sa'et 12:00ge qeder dawam qilghan bu yighinning asasiy meqsidi؛ türklerning yawrupa birlikining siyasiy sehniside öz rolini jari qildurush mesilisi bolsimu, sherqiy türkistan mesilisi yenila asasi témilarning biri süpitide muzakire qilin'ghan. Bu qétimqi yighinda Uyghurlargha wekaliten sözge chiqqan bextiyar ependi Uyghur millitining nöwette tartiwatqan derd-elemliri heqqide tepsili melumat bérip, yighin ehlining diqqitini jelip qilghan.

Bu yighinning muhim ehmiyetliridin biri shu bolghanki, shu küni kechte élip bérilghan „qanal yawrupa téléwiziyisi" ning neq meydan munazire programmisida, Uyghurlar mesilisi yene muhim téma qilin'ghan we ay - yultuzluq kök bayraq jewlan qilip turghan körünüsh pütün dunyagha tarqitilghan.

Gollandiye türkliri Uyghurlargha alahide hésdashliq qilidu

Gollandiyidiki türk teshkilatlirining Uyghurlar mesilisige bolghan hésdashliqi alahide yuqiri bolup, 2007 - yili 5 - ayda ötküzülgen „Uyghur rehberlirini démokratiye we insan heqliri bilimliri boyiche terbiyilesh kursi" jeryanida, ular köp qétim mexsus sorun hazirlap, Uyghur teshkilatlar rehberlirini qizghin kütüwalghan we d u q ning re'isi, Uyghur milliy herikitining rehbiri rabiye qadir xanimgha salam bérishni jiddiy bir mejburiyetliri qatarida tonughan, hemde Uyghur rehberlirini terbiyilesh kursining échilish we yépilish murasimliri türk teshkilatlirining pa'aliyet merkezliride ötküzülgen idi.

Yighinning axirida, sherqiy türkistan mesilisige metbu'at jehettin yardem bérish heqqide mexsus qarar qobul qilin'ghan. (Ekrem)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet