Түркийидә `мәхмут қәшқири - түркниң тили` намлиқ һөҗҗәтлик филим ишләнди

Бирләшкән дөләтләр тәшкилати унәско 2008 - йилини мәхмут қәшқири йили дәп елан қилғандин кейин, дуняниң һәрқайси җайлирида һәрхил паалийәтләр билән мәхмут қәшқири туғулғанлиқиниң 1000 йиллиқи қутлуқланмақта.
Мухбиримиз әркин тарим
2008-11-20
Елхәт
Пикир
Share
Принт
Сүрәттә, истанбул шәһәрлик һөкүмитигә қарашлиқ мәдәнийәт ширкитиниң иқтисадий йардими билән `мәхмут қәшқири -  түркниң тили` исимлик бир һөҗҗәтлик филим ишлигән қаан гунәр әпәнди билән билгүтай үмит гүзәлбей әпәндиләр.
Сүрәттә, истанбул шәһәрлик һөкүмитигә қарашлиқ мәдәнийәт ширкитиниң иқтисадий йардими билән `мәхмут қәшқири - түркниң тили` исимлик бир һөҗҗәтлик филим ишлигән қаан гунәр әпәнди билән билгүтай үмит гүзәлбей әпәндиләр.
RFA Photo / Erkin Tarim

Буниң билән бирликтә мәхмут қәшқирини авам хәлққә тонутуш үчүн телевизийиләрдә мәхмут қәшқири һәққидә сөһбәт программилири вә мәхмут қәшқириниң һаяти тонуштурулған кичик типтики һөҗҗәтлик филимләр көрситилмәктә.

Йеқинда қаан гунәр әпәнди билән билгүтай үмит гүзәлбей истанбул шәһәрлик һөкүмитигә қарашлиқ мәдәнийәт ширкитиниң иқтисадий ярдими билән `мәхмут қәшқири түркниң тили` исимлик бир һөҗҗәтлик филим ишлигән.

Бу һөҗҗәтлик филим 5 қисимдин тәркип тапқан болуп һәр қисим 25 минут болуп, җәмий 125 минут икән. Бу һөҗҗәтлик филим 12 - айниң оттурилиридин башлап түркийидики телевизийиләрдә берилишкә башлайдикән.

Бу һөҗҗәтлик филим улуғ алим мәхмут қәшқири түркий тиллар дивани намлиқ әсирини йезиш үчүн айланған тупрақлар йәни һазирқи қәшқәр, өзбекистан, қазақистан, қирғизистан, түркмәнистан қатарлиқ йәрләрдә синалғуға елинған болуп, бу филимни тартиш үчүн филим ишлигүчиләр җәмий 12 миң километир йол йүргән.

Биз бу филим һәққидә техиму тәпсили мәлумат елиш үчүн, филимниң режиссори билгүтай үмит гүзәлбей әпәнди билән телефон зиярити елип бардуқ.

Билгүтай үмит гүзәлбей әпәнди бу һөҗҗәтлик филимни ишләшниң әһмийити үстидә тохтилип, 2008 - йили мәхмут қәшқири йили мунасивити билән илмий муһакимә йиғинлири вә һәр хил мурасимларниң өткүзүлүватқанлиқини, бу хил йиғинларниң мутәхәссисләрниң мәхмут қәшқирини вә униң әсирини өгиниши үчүн пайдилиқ икәнликини, әмма өзлири ишлигән бу һөҗҗәтлик филимниң милйонларчә авам хәлққә мәхмут қәшқири вә униң өлмәс әсири түркий тиллар диванини тонуштуруш үчүн зор әһмийәткә игә икәнликини ейтти.


Пикирләр (0)
Share
Толуқ бәт