Миллий җумһурийәтлиримиз немә үчүн мәғлуп болди?

Қирғизистан уйғурлири иттипақ җәмийитиниң уюштуруши билән бешкәк шәһиридики уйғур җамаити 12 - ноябир чүштин кейин «аламидин - 1» мәһәллисидики паалийәт соруниға җәм болуп, 1933 - йили қурулған шәрқи түркистан ислам җумһурийити һәмдә 1944 - йили қурулған шәрқи түркистан җумһурийитини хатириләш йиғини өткүзди.
Ихтияри мухбиримиз азад
2012-11-14
Елхәт
Пикир
Share
Принт
Мунтизим миллий армийә.
Мунтизим миллий армийә.
RFA


Йиғинда алди билән вәтәнниң мустәқиллиқи йолида қурбан болған шеһитләрниң роһиға атап қуран тилавәт қилинғандин кейин, дуня уйғур қурултейиниң қирғизистандики вәкили рози муһәммәт һаҗим сөз қилип, уйғур хәлқиниң 20 - әсирдә илип барған мустәқиллиқ күрәшлири һәмдә бу күрәшләр нәтиҗисидә барлиққа кәлгән миллий җумһурийәтлиримиз һәққидә тәпсилий мәлумат бәрди.

Йиғинда сөзгә чиққан пишқәдәмләрдин шәрқи түркистан җумһурийитиниң атақлиқ рәһбәрлиридин бири болған мәрһум қасимҗан қәмбириниң оғли назим қәмбири миллий җумһурийәтлиримизниң мәғлуп болушидики обиктип вә субиктип сәвәбләрни тәһлил қилип, әйни заманда инқилабниң рәһбәрлик һоқуқини ятларға тутқузуп қоюш нәтиҗисидә миллий җумһурийәтлиримизниң паҗиәлик ақивәтләргә дучар болғанлиқини, буниңдин кейинки күрәшләрдә хәлқимизниң иссиқ қанлири бәдилигә кәлгән бу савақларни әстин чиқирип қоюшқа болмайдиғанлиқини тәкитләп өтти.

У йәнә, нөвәттә миллий дава ишлиримизға йитәкчилик қиливатқан рәһбәрләрниң тарихи тәҗирибиләрни йәкүнләшкә маһир болуп, хәлқни иттипақлаштуруп бир нийәт - бир мәқсәттә мустәқиллиқ күришини ахирқи ғәлибигә ериштүрүш үчүн тиришчанлиқ көрситишини үмид қилидиғанлиқини билдүрди.

Йиғин ахирида иттипақ җәмийити рәһбәрлири җумһурийәт байрими мунасивити билән пишқәдәмләргә хатирә буюмлири совға қилди.

Пикирләр (0)
Share
Толуқ бәт