Milliy jumhuriyetlirimiz néme üchün meghlup boldi?

Qirghizistan Uyghurliri ittipaq jem'iyitining uyushturushi bilen béshkek shehiridiki Uyghur jama'iti 12 - noyabir chüshtin kéyin "Alamidin - 1" mehellisidiki pa'aliyet sorunigha jem bolup, 1933 - yili qurulghan sherqi türkistan islam jumhuriyiti hemde 1944 - yili qurulghan sherqi türkistan jumhuriyitini xatirilesh yighini ötküzdi.
Ixtiyari muxbirimiz azad
2012-11-14
Élxet
Pikir
Share
Print
Muntizim milliy armiye.
Muntizim milliy armiye.
RFA


Yighinda aldi bilen wetenning musteqilliqi yolida qurban bolghan shéhitlerning rohigha atap qur'an tilawet qilin'ghandin kéyin, dunya Uyghur qurultéyining qirghizistandiki wekili rozi muhemmet hajim söz qilip, Uyghur xelqining 20 - esirde ilip barghan musteqilliq küreshliri hemde bu küreshler netijiside barliqqa kelgen milliy jumhuriyetlirimiz heqqide tepsiliy melumat berdi.

Yighinda sözge chiqqan pishqedemlerdin sherqi türkistan jumhuriyitining ataqliq rehberliridin biri bolghan merhum qasimjan qembirining oghli nazim qembiri milliy jumhuriyetlirimizning meghlup bolushidiki obiktip we subiktip seweblerni tehlil qilip, eyni zamanda inqilabning rehberlik hoquqini yatlargha tutquzup qoyush netijiside milliy jumhuriyetlirimizning paji'elik aqiwetlerge duchar bolghanliqini, buningdin kéyinki küreshlerde xelqimizning issiq qanliri bedilige kelgen bu sawaqlarni estin chiqirip qoyushqa bolmaydighanliqini tekitlep ötti.

U yene, nöwette milliy dawa ishlirimizgha yitekchilik qiliwatqan rehberlerning tarixi tejiribilerni yekünleshke mahir bolup, xelqni ittipaqlashturup bir niyet - bir meqsette musteqilliq kürishini axirqi ghelibige érishtürüsh üchün tirishchanliq körsitishini ümid qilidighanliqini bildürdi.

Yighin axirida ittipaq jem'iyiti rehberliri jumhuriyet bayrimi munasiwiti bilen pishqedemlerge xatire buyumliri sowgha qildi.

Toluq bet