Канаданиң бишоп университида хитайниң кишилик һоқуқ әһвали һәққидә муһакимә йиғини өткүзүлди

• Ихтияри мухбиримиз камил турсунниң бу һәқтики мәлумати
• Download story audio

Алдинқи күни, канаданиң күбәк өлкисигә җайлашқан бишоп университида, хитайниң кишилик һоқуқ әһвали һәққидә муһакимә йиғини өткүзүлди. Йиғинда хәлқара кәчүрүм тәшкилати канада бөлүминиң мәсули Alex Newe "хитайниң ихтисадий җәһәттин баш көтүрүши вә кишилик һоқуқ әһвалиниң барғансири начарлишиши "дегән темида доклат бәрди .У доклатида нохтилиқ һалда, уйғурларниң бүгүнки күндә, кишилик һоқуқлириниң еғир һалда дәпсәндә қилиниватқанлиқини әскәртип өтти. Бу муһакимә йиғиниға күбәк өлкисидә олтурушлуқ муһәммәт турсун әпәнди тәклип билән қатнашти вә йиғин әһлигә уйғурларниң бүгүнки әһвалини тонуштуруш пурситигә еришти.

Бу мунасивәт билән, канададики ихтияри мухбиримиз камил турсун мәзкур муһакимә йиғиниға қатнашқан муһәммәт турсун әпәнди билән сөһбәт елип барди.