Xitaydiki kishilik hoquq we muhit mesilisi yawropa döletlirining diqqitini qozghimaqta


2006-07-12
Share

Xitay iqtisadining tereqqiy qilishi xitaydiki kishilik hoquq we muhit mesilisi barghanséri nacharlishishini keltürüp chiqarmaqta.

Hazir xitaydiki we shundaqla Uyghur élidiki künséri nacharlishiwatqan kishilik hoquq we muhit mesilisi dunyaning qattiq diqqitini qozghashqa bashlighan.

Yéqinda shwétsiyide 46 dölet wekilliridin terkip tapqan yawropa komitéti xitaydiki kishilik hoquq we muhit mesilisi heqqide mexsus muhakime yighini ötküzdi. Mezkur xelq'ara muhakime yighinigha riyasetchilik qilghuchi shwétsiye parlamént wekiller ömikidiki linda blad ependi bolup, u bundin ilgiriki échilghan yawropa komitéti yighinida maqullan'ghan kommunist diktator tüzümini eyiblesh qararining aptori iken.

Bu qétim shwétsiyide échilghan kishilik hoquq we muhit mesilisi heqqidiki xelq'ara muhakime yighinigha xelq'ara kishilik hoquq teshkilatidin sekkizi qatnashqan bolup, mezkur yighinda kommunist xitay hökümranliqi astidiki kishilik hoquqning intayin éghir halette depsende qiliniwatqanliqi mutexessis we guwahchilar teripidin türlük emeliy misallar arqiliq bir - birlep ashkarilan'ghan.

Mesilen yéqinda metbu'atlarda pash qilin'ghan xitaydiki adem organlirining xalighanche élip sétilish mesilisi, bolupmu falun'gong ezalirining xitay hökümiti teripidin qiyin - qistaqqa élinishtin bashqa yene ularning ichki ezalirining xalighanche élip tashliniwatqanliqi guwahchilar teripidin delil ispatlar arqiliq pash qilin'ghan.

Shwétsiyide échilghan kishilik hoquq we muhit mesilisi heqqidiki bu xelq'ara muhakime yighinigha shwésiyide turushluq dunya Uyghur qurultiyining bayanatchisi dilshat rishit ependimu alahide teklip qilin'ghan. Gerche u salametlik mesilisi tüpeylidin mezkur yighin'gha qatnishalmighan bolsimu, özining mezkur yighin üchün teyyarlighan Uyghur élidiki kishilik hoquq we muhit mesilisi heqqidiki matériyallirini toluq yollash arqiliq xitay hökümitining yillardin buyan mezkur rayondiki insan hoquqni xalighanche depsende qiliwatqanliqini shundaqla mezkur rayonning ékologiyilik muhitini pütünley weyran qiliwatqanliqini ashkarilighan.

Bu munasiwet bilen, muxbirimiz méhriban dunya Uyghur qurultiyining bayanatchisi dilshat rishit ependini ziyaret qildi.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet