ئاتاقلىق ئۇيغۇر ناخىشىچى مۇرات ناسىروپ، دۈشەنبە كۈنى ئالماتادا دەپنە قىلىندى
2007.01.22
19 - يانۋار كۈنى موسكۋادا ۋاپات بولغان رۇسىيىدىكى ئاتاقلىق ئۇيغۇر ناخشىچى مۇرات ناسىروپ، دۈشەنبە كۈنى ئالماتادا دەپنە قىلىندى.
قازاقىستاندىكى ئىختىيارى مۇخبىرىمىز ئابدۇللانىڭ ئالماتادىن خەۋەر قىلىشىچە، ناسىروفنىڭ دەپنە مۇراسىمى داغدۇغىلىق ئۆتكۈزۈلگەن بولۇپ، دەپنە مۇراسىمىغا قازاقىستاندىكى ئۇيغۇرلار، رۇس ۋە قازاقىستانلىق سەنئەتچىلەردىن بولۇپ 1000 ئەتراپىدا كىشى قاتناشقان. ئابدۇللانىڭ بىلدۈرۈشىچە، قازاقىستان پرېزىدېنتى نۇرسۇلتان نەزەربايىفنىڭ قىزى دارىغا قاتارلىق نۇرغۇنلىغان قازاقسىتان سىياسىي ئەربابلىرى مۇراسىمغا تەزىيە تېلېگراممىلىرى ئەۋەتكەن.
رۇسىيىنىڭ ئىنتېرفاكس ئاگېنتلىقى ناسىروپنىڭ 19- يانۋار كۈنى كەچ سائەت 10 دىن 30 مىنوت ئۆتكەندە 5- قەۋەتكە جايلاشقان موسكۋادىكى ئۆيىنىڭ بالكونىدىن چۈشۈپ كېتىپ ئۆلگەنلىكىنى خەۋەر قىلغان ئىدى. خەۋەرلەرگە قارىغاندا، مۇرات ناسىروفنىڭ ئۆلۈم سەۋەبىنى ئېنىقلاش ھەققىدە ئېلىپ بېرىلىۋاتقان تەكشۈرۈشلەر داۋاملاشماقتا.
مۇناسىۋەتلىك ماقالىلار
- ئاتاقلىق ئۇيغۇر ناخشا چولپىنى مۇرات ناسىروپ ۋاپات بولدى
- قازاقىستان باش مىنىستىرى كەرىم مەسۈموپ ھەققىدىكى تۈرلۈك ئىنكاسلار داۋاملاشماقتا
- قەھرىمان غوجامبەردىنىڭ كەرىم مەسۈموپ ۋە قازاقىستان ئۇيغۇرلىرى ھەققىدىكى قاراشلىرى
- قازاقىستاندا ئۇيغۇر ھۆكۈمەت باش مىنىستىرى بولۇشى مۇمكىنمۇ؟
- ساخاۋەتلىك ياشلارنىڭ ياردىمىدە ئالما-ئاتا شەھىرىدىكى سۇلتان قورغان رايونىدا يېڭى بىر مەسچىت قەد كۆتۈردى