Атақлиқ уйғур нахишичи мурат насироп, дүшәнбә күни алматада дәпнә қилинди


2007-01-22
Share

19 ‏- январ күни москвада вапат болған русийидики атақлиқ уйғур нахшичи мурат насироп, дүшәнбә күни алматада дәпнә қилинди.

Қазақистандики ихтияри мухбиримиз абдулланиң алматадин хәвәр қилишичә, насирофниң дәпнә мурасими дағдуғилиқ өткүзүлгән болуп, дәпнә мурасимиға қазақистандики уйғурлар, рус вә қазақистанлиқ сәнәтчиләрдин болуп 1000 әтрапида киши қатнашқан. Абдулланиң билдүрүшичә, қазақистан президенти нурсултан нәзәрбайифниң қизи дариға қатарлиқ нурғунлиған қазақситан сиясий әрбаблири мурасимға тәзийә телеграммилири әвәткән.

Русийиниң интерфакс агентлиқи насиропниң 19‏- январ күни кәч саәт 10 дин 30 минот өткәндә 5‏- қәвәткә җайлашқан москвадики өйиниң балконидин чүшүп кетип өлгәнликини хәвәр қилған иди. Хәвәрләргә қариғанда, мурат насирофниң өлүм сәвәбини ениқлаш һәққидә елип бериливатқан тәкшүрүшләр давамлашмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт