Kambodzhadin qayturulghan uyghurlardin musa muhemmed 17 yilliq qamaqqa höküm qilindi

Xitay hökümiti 20 neper uyghur siyasiy panahlan'ghuchini, 2009-yili 12‏-ayning 19-küni kambodzhadin qayturup eketken.
Muxbirimiz shöhret hoshur
2012-01-25
Élxet
Pikir
Hembehr
Print
  • Print
  • Hembehr
  • Pikir
  • Élxet
Kambodzhadin qayturulghan uyghurlardin musa muhemmed 17 yilliq qamaqqa höküm qilin'ghan. 2012-Yili yanwar.
Kambodzhadin qayturulghan uyghurlardin musa muhemmed 17 yilliq qamaqqa höküm qilin'ghan. 2012-Yili yanwar.
RFA/Shohret Hoshur

Shuningdin kéyin, xelq'ara insan heqliri teshkilatliri mezkur 20 uyghurning aqiwiti heqqide xitay hökümitidin köp qétim melumat telep qilghan bolsimu, xitay buning hemmisige qulaq yopurup kelmekte. Muxbirimizning bügünki éniqlishida, 20 kishi ichidiki musa muhemmed heqqide qismen melumatlar ashkarilandi. Melum bolushiche, aqsuning uchturpan nahiyisidin bolghan musa muhemmed 17 yilliq késilgen.

Yerlik ahalilerdin igilishimizche, musa muhemmed uchturpanning aqyar yéza 15-kentidin. Bu yil 25 yashqa kirgen musa muhemmed kambodzhadin qayturulghandin kéyin aldi bilen uchturpan qamaqxanisigha solan'ghan. Uningdin kéyin qeshqer yanbulaq türmisige yötkelgen. Toluqsiz melumatlardin qarighanda, qeshqer ottura sot mehkimisi ötken yili 10-ayning 20-küni sot échip uninggha 17 yilliq qamaq jazasi bergen. Musa muhemmedning qolum-qoshnilirining ashkarilishiche, uning a'ile-tawabati, musa muhemmedni sürüshte qilip qeshqer yanbulaq türmisige ikki qétim barghan. Türme saqchiliri musa muhemmedning türmide barliqini bildürgen؛ emma ularni körüshtürmigen؛ ular élip barghan kiyim-kéchek we yimek-ichmeknimu qobul qilmighan.

Musa muhemmedning a'ile-tawabati uning 17 yilliq késilgenliki heqqide jem'iyettin xewer tapqandin kéyin, qeshqer wilayetlik sotqa bérip, sotning höküm qeghizini telep qilghan. Sot xadimliri sot hökümining musa muhemmedning özige bérilgenlikini bildürgen, emma a'ilisige bu heqte yazma uqturush bérishni ret qilghan. Sotchilar mezkur a'ilige musa muhemmedning 17 yil késilgenliki we turpanning daxiyen türmisige yötkelgenlikini aghzaki uqturup qoyghan. Melum bolushiche, musa muhemmed nöwette turpanning daxiyen türmiside jaza mudditini ötimekte.

Toluq bet