Türk dunyasi zéhin sinash musabiqiside Uyghur oqughuchilar 3 – likke érishti
2006.04.24
4 - Ayning 22 - küni istanbulda 6 - nöwetlik türk dunyasi uniwérsitét oqughuchiliri zéhin sinash musabiqisi ötküzüldi. Bu musabiqide Uyghur oqughuchilar 3 - likni qolgha keltürdi.
Yawro'asiya bir wexpi we türk ochaqliri jem'iyiti birliship uyushturghan 6 - nöwetlik türk dunyasi uniwérsitét oqughuchiliri zéhin sinash musabiqisigha azerbayjan, qirghizistan, türkmenistan, afghanistan, qazaqistan, mongghuliye qatarliq döletler shundaqla aghiska türkliri, iranliq azeriler, Uyghurlar we tüwa jumhuriyetliri qatarliq yerlerdin kélip türkiyide oquwatqan oqughuchilar qatnashti. 260 Nomur bilen qirghizistan bilen azerbayjan birinchi, 230 nomur bilen aghiska türkliri bilen türkmenistan ikkinchi, Uyghur oqughuchilar bolsa 3- derijilik mukapatqa érishti.
Türk dunyasi zéhin sinash musabiqisi heqqide téximu etrapliq melumat élish üchün ixtiyari muxbirimiz erkin tarim bu musabiqini uyushturghan yawro'asiya bir wexpi rehbiri shaban gülbahar ependini ziyaret qildi.