بۈگۈن 10 – دېكابىر كۈنى دۇنيا ئىنسان ھەقلىرى كۈنى. بۇ مۇناسىۋىتى بىلەن تۈركىيىدىكى ئۇيغۇرلار ۋە تۈركلەر، شەرقىي تۈركىستان مەدەنىيەت ھەمكارلىق جەمئىيىتىنىڭ ئورۇنلاشتۇرىشى بىلەن خىتايغا قارشى نامايىش ئۆتكۈزدى.
ئەنقەرە شەھرىنىڭ غازى ئوسمان پاشا مەھەللىسىدىكى خىتاي ئەلچىخانىسى ۋە بىرلەشكەن دۆلەتلەر تەشكىلاتىنىڭ ئەنقەرەدىكى بىناسى ئالدىدا ئۆتكۈزۈلگەن ئۆتكۈزۈلگەن نامايىشقا 400 كىلومېتىر يولنى بىسىپ تۈركىيىنىڭ قەيسىرىدىن ۋە ئەنقەرە شەھىرىدىن كەلگەن يۈزلەرچە نامايىشچىلار قاتناشتى.
نامايىشقا يەنە تۈركىيىدە 350 مىڭغا يەقىن ئەزاسى بولغان تۈركىيە كادىرلار ئۇيغۇرمىسى باشلىقى بىرجان ئاقيىلدىز ئەپەندى ۋە باشقا ئاممىۋى تەشكىلاتلارمۇ قاتناشتى. بىرجان ئاقيىلدىز نامايىشقا كەلگەنلىكىدىكى مەقسىتىنى سۆزلەپ، خىتايلارنىڭ ئۇيغۇرلارغا قىلىۋاتقان زۇلۇمىنىڭ ئىنسان قىلىپىدىن ئاشقانلىقىنى ئېيتتى.
نامايىشچىلار "شەرقىي تۈركىستانغا مۇستەقىللىق"، "ئۇيغۇرلارغا ئەركىنلىك"، "ئۇيغۇر تىلى ئۆلمىسۇن"، "بىرلەشكەن دۆلەتلەر تەشكىلاتى ئۇخلىما" دېگەندەك شۇئارلارنى تولاپ، خىتاي ئەلچىخانىسى ۋە ب د ت نىڭ ئەنقەرەدىكى بىناسى ئالدىدا نامايىش ئۆتكۈزدى.
بۇنىڭ تەپسىلاتىنى تۈركىيىدىكى ئىختىيارى مۇخبىرىمىز ئەركىن تارىمدىن ئاڭلاڭ