Jyangshidiki ikki aliy mektepte oqughuchilar isyan köterdi


2006-10-26
Share
24 – Öktebir küni jyangxida yüz bergen qalaymiqanchiliqta düm kömtürüwétilgen mashina.

Xitayning jyangshi ölkisi nenchang shehiridiki jyangshi genjang kespiy téxnika inistituti bilen nenchang kiyim ‏- kéchek layihilesh inistitutining aliy téxnikom kespiy kursida oquydighan on mingdin artuq oqughuchining isyan kötirishige mezkur mektepning aliy téxnikom diplomi dölet teripidin étirap qilinmaydighanliqi sewebchi boldi. Xususiylar bashqurushidiki bu ikki kespiy aliy mektepning aliy téxnikom kespiy kursidiki oqughuchilar aliy téxnikom kespiy diplomi dölet teripidin étirap qilinmaydighanliqini bayqighandin kéyin mektep da'iriliridin buninggha chüshenche bérishni telep qilip, seyshenbe küni yighilish ötküzgen. Lékin yighilish nahayiti tézla isyan'gha aylandi.

Namayishchilar arisida Uyghurlarmu bar

Birleshme axbarat agéntliqining xewer qilishiche, oqughuchilar mektep qorasidiki mashina we mektep eslihelirini urup - chaqqan. Lékin oqughuchilar, urush - chéqish weqelirini jem'iyettiki kishiler peyda qilghanliqini ilgiri sürmekte. Da'iriler qoralliq saqchilarni yötkep kélip, isyanni basturmaqchi bolghanda oqughuchilar bilen saqchilar arisida toqunush yüz berdi. Birleshme axbarat agéntliqining eskertishiche, az dégende 20 kishi yarilan'ghan bolushi mumkin.

Merkizi xongkongdiki junggo kishilik hoquqi we démokratiye merkizi, 5 kishining qolgha élin'ghanliqini bildürmekte. Junggo kishilik hoquqi we démokratiye uchur merkizining birleshme axbarat agéntliqigha eskertishiche, namayishchi yashlarning köpchiliki az sanliq millet oqughuchilirini asas qilghan bolup, ularning 2000 dekini Uyghur oqughuchilar igiligen.

Namayishchilar jyangshidiki bashqa aliy mekteplerde yuqiriqi ehwalgha oxshash weziyettiki oqughuchilarni yekshenbe küni nenchang sheher merkizide yighilish ötküzüshke chaqirmaqta. Biz nenchangdiki Uyghur oqughuchilar bilen alaqilishish üchün tirishqan bolsaqmu, lékin hazirghiche alaqe qurush imkaniyiti bolmidi.

"Buning az sanliq milletler mesilisi bilen héchbir alaqisi yoq"

Jyangshi genjyang kespiy téxnika inistitutining bir manju qiz oqughuchisi weqening milliy mesile bilen alaqisi yoqliqini bildürdi. Genjang kespiy téxnika inistitutida nurghun Uyghur oqughuchilar oquydighanliqini tekitligen bu qiz," bu weqe diplom mesilisi bilen munasiwetlik weqe. Buning az sanliq milletler mesilisi bilen héchbir alaqisi yoq" deydu.

Jyangshi kiyim - kéchek layihilesh kespiy inistitutidiki bir xitay qiz oqughuchining muxbirimizgha eskertishiche, mezkür mekteptiki oqughuchilar düshenbe küni merkizi téléwiziye istansisining xewerlirini körüwélip, bu mektepning aliy téxnikom kespiy diplomini dölet étirap qilmaydighanliqini bilgen we etisi mektep da'irilirining bu ehwalgha chüshenche bérishini telep qilghan. U, namayishning tézla isyan'gha aylan'ghanliqini we jem'iyettiki kishilerning mektep qorusigha kirip, urush - chéqish weqesi sadir qilghanliqini bildürdi. Bu qiz, " oqughuchilar nahayiti hayajanlinip ketken idi. Kéyinche etraptiki puqralar mektep qorusigha kirip bulang - talang qildi. Kompyutérlar chéqiwitildi. Qiz oqughuchilarning köngli bi'aram, oghullar qoligha yaghach toqmaqlarni élip bulangchilargha taqabil turmaqchi boldi. Qizlar kéchiche uxliyalmiduq. Kéyinche bir qanche yüzligen saqchilar yétip keldi. Bügün héchqandaq weqe yüz bermidi " deydu. Uning eskertishiche, mektepning intérnét, téléfon alaqisi üzüwitilgen, qol téléfoni alaqisi qiyinlashqan. U, weqede bir qisim bulangchilar we shu qatarda bezi oqughuchilarning qolgha élin'ghanliqini bildürdi. Lékin qolgha élin'ghanlar yaki yarilan'ghanlar ichide Uyghur oqughuchilarning bar - yoqliqi hazirche melum emes. Yuqiriqi qiz, saqchilarni mektep qorusigha kirip oqughuchilarni basturdi, lékin bulangchilarni körmeske saldi, dep eyiblimekte.

Bir oqughuchi: her ikki terep bir -birini chüshenmigen

Oqutush binasida ot

Xewerlerge qarighanda, genjang kespiy téxnika inistitutidiki oqughuchilar yekshenbe küni nenchang 1 - awghust meydanida yighilish ötküzüp, jyangshi hökümet da'irilirini oqutush salahiyitide mesile bar mekteplerni bir terep qilish toghrisida agahlandurmaqchi bolghan. Genjang kespiy téxnika inistitutidiki manju qizning eskertishiche, terepler diplom mesiliside bir ‏- birini chüshenmigen bolushi mumkin. U, "méningche her ikki terep bir -birini chüshenmigen. Oqughuchilarda aliy mektep imtihanigha qatnashmay turupla diplomgha érishish xiyali bar. Bu yerde ishning asinigha yügreshtek rohi halet mewjüt. Mektep terepmu ehwalni oqughuchilargha éniq chüshendürmigen. Shunga bu majira her ikkila terepning bir ‏- birini chüshenmeslikidin kélip chiqqan, dep qaraymen " deydu.

Nenchangdiki bir shexsi aliy mektep oqutquchisining radi'omiz muxbirigha eskertishiche, nenchangda bu türdiki mektepler pulni közlep, oqughuchilarni köplep qobul qilmaqta. U, mektep da'irilirining heqiqiy ehwalni oqughuchilargha chüshendürmeydighanliqini bildürdi. U, "her bir oqughuchi 40 ming yüen pul bilen kélishi kérek. Bu az kélip qalghandek hökümet bashqurushidiki mekteplermu bu xil kurslarni échip pul tépiwatidu. Kishiler buni nahayiti rehimsizlik, bekmu rehimsizlik, dewatidu. Men ichkiridiki metbu'atlarning buni pash qilmaywatqanliqini chüshenmidim " dep körsetti. Biz yuqiriqi ikki aliy mekteptiki weqe toghrisida shu jaydiki saqchi idarisi we mektep da'irilirige téléfon qilip, ehwalni sürüshtürgen bolsaqmu, lékin ular su'allirimizgha jawab bérishni shundaqla weqening rast -yalghanliqini ispatlashni ret qildi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet