Rabiye qadir xanim torontoda xelq'ara insan heqliri küni munasiwiti bilen ötküzülgen namayishqa qatnashti


2006-12-10
Share

10-Dékabir xelq'ara insan heqliri küni bolup, bu künde dunyadiki köpligen insan heqliri teshkilatliri türlük shekildiki pa'aliyetlerni ötküzdi.

Dunya Uyghur qurultiyining orunlashturushigha bina'en , xelq'ara insan heqliri küni munasiwiti bilen amérika, kanada, shwétsiye, norwigiye qatarliq bir qisim memliketliridiki Uyghurlar xitay elchiliki we yaki konsulxaniliri aldida naraziliq namayishliri ötküzdi.

10-Dekabir küni amérika paytexti washin'gtondiki xitay bash elchixanisi aldida amérika Uyghurliri jem'iyiti namayish teshkillidi. Bunin'gha washington etrapidiki bir qisim Uyghurlar qatnashti. Namayish chüshtin kéyin sa'et üchte bashlinip, 2sa'ettin artuq dawamlashqan.

Öz muxbirimizning kanadaning toronto shehiridin bergen xewrige asaslan'ghanda, 10-dekabir küni toronto shehiridiki xitay konsulxanisi aldida kanada Uyghur jem'iyiti, xelq'ara kechürüm teshkilati shuningdek tibetler we teywen musteqilchilirining teshkillishi bilen naraziliq namayish ötküzülgen. Mezkur namayishqa kanadada resmiy ziyarette boluwatqan dunya Uyghur qurultiyining re'isi rabiye qadir xanim, dunya Uyghur qurultiyining bash meslihetchisi sidiq haji rozi, kanada Uyghur jem'iyitining re'isi memet toxti qatarliq köpligen Uyghurlarmu qatnashqan.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet