Gérmaniye we norwégiyide xitaygha qarshi namayish


2006-08-18
Share

D u q ning teshebbusi, yawrupa sherqiy türkistan birliki teshkilatining orunlashturushi bilen, bügün 8 – ayning 18 – küni gérmaniye Uyghurliri xitayning myunxéndiki konsulxanisi aldida namayish élip bardi. Bu qétimqi namayishning meqsiti kanada puqrasi hüseyin jélilning xitay hökümiti teripidin qolgha élin'ghanliqigha naraziliq bildürüsh we uning shertsiz qoyup bérilishini telep qilishtin ibaret idi.

Namayishqa gérmaniyining herqaysi yurtliridin kelgen er – ayal we balilardin bolup, yüzdin artuq Uyghur qatnashti. Namayishchilar ay _ yultuzluq kök bayraqlirini jewlan qildurush bilen birge, "hüseyin jélil qoyup bérilsun", "xitay dölet térrori toxtitilsun", "ölüm jazasi emeldin qaldurulsun", "siyasiy tutqunlar azat qilinsun" ... Dégendek shu'arlar yézilghan wéwiskilarni kötürüwalghan idi.

Namayishchilar "yashisun musteqilliq!, yashisun démokratiye!, yashisun insan heqliri! weten bizning! xitaylar chiqip ketsun!" .. Dégendek shu'arlarni üzmey towlap, xitay konsuli aldini lerzige saldi.

Namayishchilar hüseyin jélilning qoyup bérilishini telep qilish bilen birge, ataqliq insan heqliri pa'aliyetchisi, Uyghur milliy herikitining rehbiri rabiye qadir xanimning alim, ablikim, qahar qatarliq perzentlirining we bigunah qolgha élin'ghan nurmuhemmet yasin, toxti mozart, abdughéni memtimin, eysa hüsen qatarliqlarningmu qoyup bérilishini telep qildi.

Kishiler boyunlirigha yuqirida ismi tilgha élin'ghan tutqunlarning resimlirini ésiwalghan idi. Bu qétimqi namayish gérmaniye waqti etigen sa'et 10 din 12 giche dawam qildi.

D u q ning teshebbusi, norwigiye Uyghur komitétining orunlashturushi bilen norwegiyining paytexti oslo shehiridiki xitay elchixanisi aldidimu namayish ötküzülgen. Bu heqtiki melumatlarni, gérmaniyidiki ixtiyari muxbirimiz ekrem we norwégiyidiki ixtiyari muxbirimiz abdusemettin anglang.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet