Уйғур вә тибәтләр б д т алдида ху җинтавға қарши намайиш өткүзди

• Мухбиримиз илтәбирниң нәқ мәйдандин бәргән хәвири
• Download story audio

Намайиштин бир көрүнүш

Баш шитаби нйо йорктики бирләшкән дөләтләр тәшкилати қурулғанлиқиниң 60 йиллиқини хатириләш мунасивити билән дунядики һәрқайси дөләтләрниң рәһбәрлири б д т ниң нйо йорктики бинасида йиғин ачмақта. Бина сиртида уйғур, тибәт вә хитай демократлири хитай һөкүмитиниң уйғур, тибәт вә хитай хәлқигә қарита елип бериватқан сияситигә наразилиқ билдүрүп, хитай дөләт рәиси ху җинтавға қарши намайиш қилмақта.

Хитай дөләт рәиси ху җинтав канада вә мексикидики зияритини ахирлаштуруп, 13 – сентәбир күни америкиниң нәв йорк шәһиригә йетип кәлгән вә америка президенти буш билән көрүшүп, икки дөләт оттурисидики сода вә хитайдики кишилик һоқуқ мәсилиси һәққидә сөһбәтләшкән иди.

Америкиниң пайтәхти вашингтондики бир қисим уйғурлар атақлиқ кишилик һоқуқ паалийәтчиси рабийә қадир ханим билән бирликтә кечиләп нйо йоркқа йетип берип, нйо йорк әтрапидики җайлардин намайишқа қатнишиш үчүн кәлгән уйғурлар билән бирликтә қоллирида шәрқий түркистанниң ай юлтузлуқ көк байриқини ләпилдитип, "хитайлар шәрқий түркистандин чиқип кәтсун", "сиясий җинайәтчиләр қоюп берилсун", "бизгә мустәқиллиқ вә әркинлик керәк" дегәндәк лозункиларни көтүрүшүп намайиш қилишти.

Намайишқа америкидики пешқәдәм шәрқий түркистанлиқлардин әдһәмҗан, гуламидин пахта қатарлиқ кишиләрму қатнашти.

Бу һәқтики мәлуматларни, мухбиримиз илтәбирниң нәқ мәйдандин бәргән хәвиридин аңлаң.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар