Türkiyediki Uyghurlar noruz bayrimini tebriklidi

• Ixtiyari muxbirimiz erkin tarimning bu heqtiki melumati
• Download story audio

Türkiyining herqaysi jaylirida noruz bayrimi tentenilik halda tebriklendi. Türkiye ottura asiya türkiy jumhuriyetliridin teklip qilin'ghan sen'etchilerning körsetken sen'et nomurliri bilen noruzni tebriklidi, enqere shehride ötküzülgen bu noruz bayrimini tebriklesh murasimi sheherdiki herqaysi chong kochilargha qoyulghan zor ékranliq téléwiziyelerdin neq meydandin körsitildi. Buning bilen bir waqitta türkiyide pa'aliyet élip bériwatqan sherqiy türkistan teshkilatlirimu her xil pa'aliyetlerni uyushturdi we pa'aliyetlerge qatnashti.

Qeyséride pa'aliyet élip bériwatqan sherqiy türkistan medeniyet we hemkarliq jem'iyiti qeyséri, tokat we enqere qatarliq sheherlerde ötküzülgen noruz pa'aliyetlirige qatniship Uyghurlarning noruz en'enilirini tonushturdi. Enqerede ötküzülgen pa'aliyetke türkiye medeniyet ministiri atilla koch we ottura asiya türkiy jumhuriyetlirining enqerede turushluq bash elchiliri qatnashti, Uyghurlargha wakaliten d u q teptish hey'iti ezasi hayrulla ependi qatnashti. Bu yerdiki pa'aliyet axirlashqandin kéyin sherqiy türkistan medeniyet we hemkarliq jem'iyiti gazi uniwérsitétida ötküzülgen noruz pa'aliyitige qatniship Uyghurlar tonushturulghan körgezme achti.

Istanbul waliliyqining uyushturushi bilen noruz bayrimini tebriklesh pa'aliyiti ötküzüldi. Bu pa'aliyetke Uyghurlargha wakaliten sherqiy türkistan wexpi qatnashti.