Норвегийә, германийиә вә шветсийидә норуз


2007.03.26

Германийидә "явропада норуз" сәнәт кечилики тәнтәнилик өткүзүлди

3 – Айниң 24 – күни дуня уйғур қурултийи қармиғидики явропа шәрқий түркистан бирлики тәшкилатиниң орунлаштуруши билән германийиниң мюнхен шәһридә "явропада норуз" сәнәт кечилики өткүзүлди. Бу паалийәткә мюнхен шәһридики вә германийиниң һәр қайси шәһәрлиридики уйғурлар келип қатнашқандин сирт, қошна әлләрдинму көплигән уйғурлар келип иштирак қилди. Нәччә йүз кишилик зал тамашибинлар билән лиқ толди. Бу қетимқи норуз сәнәт кечиликигә йәнә америкиниң мюнхендики консули, қазақистанниң шветсийидики консули, германийидики хәлқаралиқ тәшкилатлар вә түрк – ислам тәшкилатлириниң мәсуллириму келип қатнашти.

Норвегийидә норуз паалийити өткүзүлди

Норвегийидә уйғур җамаитиниң мәниви турмушини бейитиш, шуниңдәк , өсүп йетиливатқан пәрзәнтләрни милли әнәнә тәрбийисигә игә қилиш мәқсити билән, 2003-йилдин башлап һәр йили уйғурлар топлишип олтурақлашқан бир шәһәрдә норуз паалийити өткүзуш рәсмий адәткә айланған иди.

Бу йилму норвегийә уйғур комитетиниң уюштуруши билән,3-айниң 25-куни норвегийиниң пайтәхти осло шәһридә 2007-йиллиқ норуз паалийити өткүзүлди.

Паалийәттә алди билән норвегийә уйғур комитетиниң катипи әнвәр әпәнди норуз байриминиң келип чиқиш тарихи вә әһмийити чүшәндүрүп өтти.

Андин кейин шеир декламатсийә, нахша –усул вә башқа көңүл ечиш номурлири көрситилди. яш һәвәскар шаир әбәйдулла өзиниң норузға атап язған шеирини норуз әһлиниң диққитигә сунди. Паалийәт давамида норвегийиниң һәрқайси җайлиридин норузға қатнишиш үчүн кәлгән уйғурлар бир йәргә җәм болуп, озара дидарлашти, шох усул музикилириға тәңкәш қилип усул ойнашти.

Бугүнки норуз паалийитигә коп санда өсмүрләрму қизғин иштирак қилған болуп, уларму өзлириниң норузға атап тәйярлиған һәр хил номурлири билән норуз әһлини сөйүндүрди. . 11 яшлиқ өсмүр қиз тумарисниң норузға атап язған шеири көпчиликниң қизғин алқишиға сазавәр болди.

Бугүнки бу норуз мәрикисигә осло шәһири вә норвегийиниң башқа шәһәрлиридин кәлгән 150 йеқин уйғур қатнашқан болуп, паалийәт йәкшәнбә күни чүштин кейин саәт иккидә башлинип кәч саәт 6 дә, интайин қизғин вә хошал – хорам кәйпият ичидә ахирлашти.

Шветсийидә норуз

24 – Март күни шветсийидә яшаватқан уйғурлар шветсийә уйгур комитетиниң орунлаштуруши билән бир йәргә җәм болуп норуз байримини тәбриклиди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.