Norwégiye, gérmaniyi'e we shwétsiyide noruz

Gérmaniyide "yawropada noruz" sen'et kéchiliki tentenilik ötküzüldi

• Gérmaniyidiki ixtiyari muxbirimiz ekremining bu heqtiki melumati
• Download story audio

3 – Ayning 24 – küni dunya Uyghur qurultiyi qarmighidiki yawropa sherqiy türkistan birliki teshkilatining orunlashturushi bilen gérmaniyining myunxén shehride "yawropada noruz" sen'et kéchiliki ötküzüldi. Bu pa'aliyetke myunxén shehridiki we gérmaniyining her qaysi sheherliridiki Uyghurlar kélip qatnashqandin sirt, qoshna ellerdinmu köpligen Uyghurlar kélip ishtirak qildi. Nechche yüz kishilik zal tamashibinlar bilen liq toldi. Bu qétimqi noruz sen'et kéchilikige yene amérikining myunxéndiki konsuli, qazaqistanning shwétsiyidiki konsuli, gérmaniyidiki xelq'araliq teshkilatlar we türk – islam teshkilatlirining mesullirimu kélip qatnashti.

Norwégiyide noruz pa'aliyiti ötküzüldi

• Ixtiyari muxbirimiz semetning bu heqtiki toluq melumati
• Download story audio

Norwégiyide Uyghur jama'itining meniwi turmushini béyitish, shuningdek , ösüp yétiliwatqan perzentlerni milli en'ene terbiyisige ige qilish meqsiti bilen, 2003-yildin bashlap her yili Uyghurlar topliship olturaqlashqan bir sheherde noruz pa'aliyiti ötküzush resmiy adetke aylan'ghan idi.

Bu yilmu norwégiye Uyghur komitétining uyushturushi bilen,3-ayning 25-kuni norwégiyining paytexti oslo shehride 2007-yilliq noruz pa'aliyiti ötküzüldi.

Pa'aliyette aldi bilen norwégiye Uyghur komitétining katipi enwer ependi noruz bayrimining kélip chiqish tarixi we ehmiyiti chüshendürüp ötti.

Andin kéyin shé'ir déklamatsiye, naxsha –usul we bashqa köngül échish nomurliri körsitildi. Yash heweskar sha'ir ebeydulla özining noruzgha atap yazghan shé'irini noruz ehlining diqqitige sundi. Pa'aliyet dawamida norwégiyining herqaysi jayliridin noruzgha qatnishish üchün kelgen Uyghurlar bir yerge jem bolup, oz'ara didarlashti, shox usul muzikilirigha tengkesh qilip usul oynashti.

Bugünki noruz pa'aliyitige kop sanda ösmürlermu qizghin ishtirak qilghan bolup, ularmu özlirining noruzgha atap teyyarlighan her xil nomurliri bilen noruz ehlini söyündürdi. . 11 Yashliq ösmür qiz tumarisning noruzgha atap yazghan shé'iri köpchilikning qizghin alqishigha sazawer boldi.

Bugünki bu noruz merikisige oslo shehiri we norwégiyining bashqa sheherliridin kelgen 150 yéqin Uyghur qatnashqan bolup, pa'aliyet yekshenbe küni chüshtin kéyin sa'et ikkide bashlinip kech sa'et 6 de, intayin qizghin we xoshal – xoram keypiyat ichide axirlashti.

Shwétsiyide noruz

• Shwétsiyidiki ixtiyari muxbirimiz yalqunning bu heqtiki melumati
• Download story audio

24 – Mart küni shwétsiyide yashawatqan Uyghurlar shwétsiye uygur komitétining orunlashturushi bilen bir yerge jem bolup noruz bayrimini tebriklidi.