Norwégiyidiki Uyghurlar matem künide xitay elchixanisining aldida namayish ötküzdi

Bügün norwégiye Uyghur komitétining orunlashturushi bilen norwégiyidiki Uyghurlar, Uyghurlar üchün matem küni hésablinidighan xitayning dölet bayrimi künide xitaygha qarshi namayish pa'aliyiti ötküzdi.
Ixtiyariy muxbirimiz aygül yüsüp
2012-10-01
Élxet
Pikir
Share
Print
Norwégiyidiki xitay elchixanisi aldida ötküzülgen namayishtin körünüsh. 2012-Yili 1-öktebir, oslo.
Norwégiyidiki xitay elchixanisi aldida ötküzülgen namayishtin körünüsh. 2012-Yili 1-öktebir, oslo.
RFA/Aygul Yusup

Namayish oslodiki xitay elchixanisining aldida élip bérildi. Namayish ghezeplik towlan'ghan sho'ar sadasi ichide bashlandi.Norwégiye Uyghur komitétining re'isi perhat yaqup ependi bashlinish sözi sözlidi.

Jama'et wekilliridin ömer hajim namayishchi ammigha nutuq sözlidi.

Bérgén shehiridin kelgen norwégiye Uyghur komitétining sabiq re'isi abdukérim ariliqning yiraq bolushigha qarimay namayishqa qatnishish üchün kelgenliki heqqide toxtaldi.

Norwégiyidiki xitay elchixanisi aldida ötküzülgen namayishtin körünüsh. 2012-Yili 1-öktebir, oslo.
Norwégiyidiki xitay elchixanisi aldida ötküzülgen namayishtin körünüsh. 2012-Yili 1-öktebir, oslo. RFA/Aygul Yusup

Yiraq sheher shi'endin kelgen erkin ependi ziyaritimizni qobul qildi.Turghunjan mollammu namayishchilargha nutuq sözlidi.

Bügünki namayishta alahide bolghini, namayishchi Uyghurlar xitay elchixanisining aldida sherqiy türkistan istiqlal marshini oqudi.

Qollirida ay-yultuzluq kök bayraq, lozunka we plakatlarni kötürgen namayishchilar qoshuni bir sa'ettin artuq dawamlashqan namayish pa'aliyiti jeryanida xitaygha qarshi Uyghurche, norwégche we we xitayche türlük sho'arlarni ghezep bilen towlap namayishni axirlashturdi.

Tepsilatini yuqiridiki awaz ulinishidin anglighaysiler.

Toluq bet