Norwégiye Uyghur komitéti Uyghurlargha iptarliq dastixan saldi

12 Ayning sultani hésablinidighan mubarek ramzan éyida norwégiyidiki Uyghurla roza tutush, opche iptarlash, sediqe-pitir bérish qatarliq diniy pa'aliyetliri bilen özlirining Uyghur musulmanliq perizini ada qilip kelmekte.
Ixtiyariy muxbirimiz aygül yüsüp
2012-08-06
Share
iptar-korunishi-erler-zali-305.jpg Norwégiye Uyghur komitéti Uyghurlargha iptarliq dastixan saldi. 2012-Yili 4-awghust.
RFA/Aygul Yusup

Tünügün yeni 4-awghust shenbe küni kechte norwégiye Uyghur komitéti we quruluwatqan Uyghur islam merkizi birlikte norwégiyidiki Uyghurlar üchün mol iptarliq dastixan hazirlap jama'etke iptarliq berdi. Iptarliq pa'aliyitide er we ayallar üchün ayrim zallar hazirlinip qira'etler qilindi, diniy söhbetler jeryanida weten-milletning nöwettiki ehwali, bolupmu ramzan éyida xitay hökümitining Uyghurlargha yürgüzüwatqan chektin ashqan diniy bésimi alahide tilgha élinip ötüldi shundaqla shéhitlerning rohigha atap du'a-tilawet qilindi.

Atawulla qarim iptar pa'aliyiti jeryanida jama'etning qandaq perz we qerzlerni ada qilishi kérekliki heqqide tebligh qilip ötti.

Turghunjan qarim ziyaritimizni qobul qilip Uyghurlarning birlik we ittipaqliqi heqqide toxtaldi.

Paytext oslo we etraptiki sheherlerdin kelgen yüzge yéqin kishi bu qétimqi iptarliq pa'aliyitige qatnashti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet