Norwégiyide xelq'ara ijadiyet erkinlik mukapati tarqitildi

• Muxbirimiz aygul yüsüpning bu heqtiki toluq melumati
• Download story audio

2008- Yili 3-ayning 8-küni norwégiyining paytexti oslo shehiride norwégiye yazghuchilar birleshmisi oyushturghan xelq'ara ijadiyet erkinlik mukapati tarqitish murasimi ötküzüldi. Bu qétimqi murasimgha norwégiyining her qaysi jayliridin kelgen dangliq yazghuchilar, kishilik hoquq pa'aliyetchiliri we bu mukapatning bash sahibi bolghan tibet ayal yazghuchisi süretning yoldishi wang lishung qatarliq kishiler qatnashti.

Yéziqchiliq erkinlik mukapati norwégiye yazghuchilar birleshmisi teripidin tesis qilin'ghan xelq'araliq mukapat bolup, her yili bir qétim dunyaning her qaysi jayliridiki insan hoquqliri uchun küresh qilghuchi sha'ir, yazghuchilargha bérilidu.

Bu qétim mezkur mukapat hazir xitayning béyjing shehiride yashawatqan tibetlik ayal yazghuchisi sören xanimgha bérilgen bolup, u kop yillardin béri kommunist xitay hakimiyitining tibetke yürgüzgen siyasiti heqqide her xil témilarda eser yazghan bolup, mushu tüpeylidin u türlük siyasiy we iqtisadiy bésimlargha duch kelgen we éri bilen bille nazaret astida yashashqa mejbur qilin'ghan hem her ikkiylen xizmitidin heydelgen idi.

Bu qétim xitay hökümiti uning norwégiyige kélishige ruxset qilmighan bolup, uninggha wakaliten mezkur mukapatni tapshurup élish uchun norwégiyige yétip kelgen wang lishung mukapat tarqitish murasimida ayalining kélelmeslikining sewebi heqqide toxtilip mundaq dédi: " men kélelidim, lékin esli bu yerge kélishke tigishlik bolghan ayalim kélelmidi. Buning sewebi men xitay bolghanlighim üchün pasport élip kélelidim, lékin ayalim tibet millitidin bolghanlighi uchun kélelmidi. Men buni buningdin artuq chüshendürüp bérelmeymen. Pasport gerche hazirqi zamaniwiy dunyada bir insanning kimlikini bildüridighan addi bir nerse bolsimu, lékin junggo hökümiti tibet, Uyghur qatarliq milletlerning bunchilik addi hoquqinimu tartip alghan."

Axirida norwégiye -tibet komitétining bashliqi chondak xanim yazghuchi sören xanimgha wakaliten uning rehmet xétini oqup ötti: "men norwégiye yazghuchilar birleshmisining 2007-yilliq xelq'ara yéziqchiliq erkinlik mukapatigha érishkinimdin intayin tesirlendim. Bu munasiwet bilen men norwégiye yazghuchilar birleshmisige köp rehmetler éytimen. Méning bu erkinlik mukapatigha érishkenlikim norwégiye hökümitining yenila tibet mesilisige intayin ehmiyet bergenlikini we tibet xelqining yenila asaret astida yashawatqanliqini ispatlap béridu. Erkinlik dégen bu atalghu insanning sözlesh,pikir qilish we yézish qatarliq barliq hoquqlirining heqiqiy kapaletke érishishini telep qilidu. Özining heqiqiy erkinlikige érishelmigen insanlar meyli dunyaning qeyiridila yashisun, u menggü öz erkinlikini izdeydu we uni tépish uchun küresh qilidu we tinimsiz izdinidu." (Aygül yüsüp)