10 - ئاينىڭ 1 - كۈنى خىتاي ھۆكۈمىتىنىڭ بايرام كۈنى بولسىمۇ ، ئەمما بۇ كۈننى چەتئەلدىكى ئۇيغۇرلار 10 يىللاردىن بۇيان ماتەم كۈن سۈپىتىدە تونۇپ توي-تۆكۈن ئۆتكۈزۈش ،كۆڭۈل ئېچىش قاتارلىق پائالىيەتلەرنى چەكلەپ ، بۇنىڭ ئورنىغا خىتاي ھۆكۈمىتىگە قارشى ھەر خىل شەكىلدىكى نارازىلىقلىرىنى ئىپادىلەپ كەلمەكتە.
بولۇپمۇ، دۇنيا ئۇيغۇر قۇرۇلتىيى بۇ كۈننى قارار ماقۇللاپ رەسمىي "ماتەم كۈنى " دەپ ئىلان قىلغاندىن بۇيان، ئۇيغۇرلارنىڭ خىتاي ھۆكۈمىتىگە قارشى پائالىيەتلىرى تېخىمۇ جانلانماقتا.
بۈگۈن نورۋېگىيىنىڭ ئوسلۇ شەھىرىدىكى خىتاي ئەلچىخانىسى ئالدىدا ئۆتكۈزۈلگەن نامايىشنىڭ تەشكىللىگۈچىلىرىنىڭ بىرى بولغان ئۆمەر ھاجىم مۇخبىرىمىزنىڭ نامايىش ھەققىدىكى زىيارىتىنى قۇبۇل قىلدى.
يۇقىرىدىكى ئۇلىنىشتىن، مۇخبىرىمىز يالقۇننىڭ نامايىش ھەققىدە بەرگەن مەلۇماتىنىڭ تەپسىلاتىنى ئاڭلايسىز.