Норвегийидә тибәт вә уйғурлар намайиш өткүзди
2008.03.12
2008 - Йили 3 - айниң10 - күни норвегийиниң пайтәхти осло шәһиридики хитай баш әлчиханисиниң алдида наразилиқ намайиши өткүзүлди. Бу қетимқи намайишни норвегийә тибәт комитети оюштурған болуп норвегийә уйғур комитети, кишилик һоқуқ органлири вә бир қисим норвеглар тәклипкә бинаән намайишқа иштирак қилди.
Бундин 49 йил илгирики мушу күнләрдә тибәт хәлқи хитай һөкүмитиниң таҗавузчилиқиға қарши кәң көләмлик қозғилаң елип барған болсиму, лекин қозғилаң қанлиқ бастурулған вә нәтиҗидә тибәтләрниң диний даһийси далай лама һиндистанға кетип муһаҗирәттә яшашқа мәҗбур болған иди. Мушу мунасивәт билән дуняниң һәр қайси җайлирида яшаватқан тибәтликләр һәр йили мушу күндә хитай әлчиханилириниң алдида намайиш өткүзүш қатарлиқ һәр хил паалийәтләрни уюштуруп бу күнни хатириләйду.
Норвегийә тибәт комитетиниң башлиқи чондак ханим мухбирниң зияритини қобул қилип мундақ деди:бу күн тибәт хәлқиниң хитай таҗавузчилирини тибәттин қоғлап чиқириш үчүн қозғилаң көтәргән күн болуп дуняниң һәммә җайлиридики тибәтләр бу күнни хатириләш үчүн намайиш қилиду.
Намайишқа қатнашқан бир норвег яш мухбирниң бүгүн немә үчүн бу намайишқа қатнаштиңиз дегән соалиға мундақ җаваб бәрди: "мән тибәт хәлқиниң хитайларниң таҗавузчилиқиға қарши һәрикитини қоллаш үчүн бу намайишқа қатнаштим. Тибәтләр өз һәқ - һоқуқлириға еришишкә һоқуқлуқ."
Чүштин кейин саәт 5 тә башланған тинчлиқ намайиши дөләт марши оқуш,нутуқ сөзләш, җараңлиқ шуарларни товлаш қатарлиқ түрлүк шәкилдә елип берилип саәт 6 дә ғәлибилик ахирлашти. (Айгүл йүсүп)
Мунасивәтлик мақалилар
- Тибәтликләр нюйоркта бейҗиң олимпикигә қарши наразилиқ паалийәтлири елип барди
- Норвегийидә тибәт вә уйғур мәсилиси буйичә йиғин ечилди
- Норвегийидә хәлқара иҗадийәт әркинлик мукапати тарқитилди
- Барат һаҗиниң һаят кәчүрмишлири һәққидә һөҗҗәтлик филим ишләнди
- Җорҗ буш олимпик мурасимиға барғанда хитайниң кишилик һоқуқ мәсилисини оттуриға қойиду
- Америка дөләт мәҗлиси әзалири хитайни олимпик вәдисидә турушқа чақирди
- Финландийә "пайтәхт мунбири" гезити бейҗиң олимпик мусабиқисини байқут қилиш чақириқи елан қилди
- Олимпикни ким сиясийлаштуруватиду?
- "Мәсилиниң түгүни дарфур әмәс бәлки бейҗиңдур"
- Хитай бейҗиң олимпик йиғининиң бихәтәрликини шәрқий түркистанчиларға бағлиди
- Олимпик мунасивити билән маканлиридин көчүрүветилгән адәм сани сахта елан қилинмақта
- Пакистан сайлимида көп киши аваз беришкә қатнишалмиди
- Спелбергниң истипаси хитайларни тәңқислиқта қойди
Көп көрүлгән хәвәрләр
RFA
- Юқири дәриҗилик әмәлдар ширзат бавудун җаза өтәватқан түрмидә сирлиқ һалда җан үзгән
- Режиссор икрам нурмәмәт террорлуқ билән әйиблинип 6 йерим йиллиқ кесиветилгән
- “шәрқий түркистан йеңи нәсил һәрикити” йеңи идарә һәйитиниң хизмәт ишханиси ечилди
- Украинада “уйғурларниң мустәмликә қилиниши вә украинларниң тәқдири” дегән темида сөһбәт елип берилған
- Явропа парламенти қарарнамә мақуллап хитай һөкүмитидин җаза лагерлирини тақашни тәләп қилди