Norwégiyide tibet we Uyghurlar namayish ötküzdi


2008-03-12
Share

2008 - Yili 3 - ayning10 - küni norwégiyining paytexti oslo shehiridiki xitay bash elchixanisining aldida naraziliq namayishi ötküzüldi. Bu qétimqi namayishni norwégiye tibet komitéti oyushturghan bolup norwégiye Uyghur komitéti, kishilik hoquq organliri we bir qisim norwéglar teklipke bina'en namayishqa ishtirak qildi.

Bundin 49 yil ilgiriki mushu künlerde tibet xelqi xitay hökümitining tajawuzchiliqigha qarshi keng kölemlik qozghilang élip barghan bolsimu, lékin qozghilang qanliq basturulghan we netijide tibetlerning diniy dahiysi dalay lama hindistan'gha kétip muhajirette yashashqa mejbur bolghan idi. Mushu munasiwet bilen dunyaning her qaysi jaylirida yashawatqan tibetlikler her yili mushu künde xitay elchixanilirining aldida namayish ötküzüsh qatarliq her xil pa'aliyetlerni uyushturup bu künni xatirileydu.

Norwégiye tibet komitétining bashliqi chondak xanim muxbirning ziyaritini qobul qilip mundaq dédi:bu kün tibet xelqining xitay tajawuzchilirini tibettin qoghlap chiqirish üchün qozghilang kötergen kün bolup dunyaning hemme jayliridiki tibetler bu künni xatirilesh üchün namayish qilidu.

Namayishqa qatnashqan bir norwég yash muxbirning bügün néme üchün bu namayishqa qatnashtingiz dégen so'aligha mundaq jawab berdi: "men tibet xelqining xitaylarning tajawuzchiliqigha qarshi herikitini qollash üchün bu namayishqa qatnashtim. Tibetler öz heq - hoquqlirigha érishishke hoquqluq."

Chüshtin kéyin sa'et 5 te bashlan'ghan tinchliq namayishi dölet marshi oqush,nutuq sözlesh, jarangliq shu'arlarni towlash qatarliq türlük shekilde élip bérilip sa'et 6 de ghelibilik axirlashti. (Aygül yüsüp)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet