Norwégiyide putbol dostluq musabiqisi ötküzüldi

2009 - Yili 2 - may kuni norwégiyining paytexti oslo shehiride norwégiye - shiwétsiye Uyghur putbol komandisining birleshme musabiqisi ötküzüldi.
Muxbirimiz aygul yüsüp
2009.05.06
Norwigiye-uyghur-pubol-305 2009 - Yili 2 - may kuni norwégiyining paytexti oslo shehiride ötküzülgen norwégiye - shiwétsiye uyghur putbol komandisining birleshme musabiqisidin körünüshler.
RFA Photo / Aygul Yusup

Norwigiye Uyghur putbol komandisi 2008 - yili 8 - ayda norwégiyidiki Uyghur yashlirining qizghin telipi we arzusigha bina'en ularni bir arigha jem qilish, inaq we dostane bolghan yashlar topini shekillendurush meqsitide qurulghan bolup, norwégiye Uyghur komitétining maddi we meniwi jehettin zor derijide yardimige érishti.

Komanda qurulghan bir yilgha yéqin waqit ichide putbol komanda ezaliri yétekchi térinirlardin mutellip ependi we hebibul ependilerning tiriship teshkillishi bilen kop qétim öz ‏ - ara musabiqe élip bérish bilen bille yene, norwégiyidiki bir qisim yerlik komandilar bilen top musabiqisi élip bérip yaxshi netijilerni qolgha kelturup, Uyghurlarni norwégiyidiki her qaysi millet xelqlirige tonushturush rolini oynap keldi.

Yéqinda norwégiye Uyghur putbol komandisi bilen shiwitsiye Uyghur putbol komandisi norwégiyide birleshme musabiqe ötküzüshni qarar qilghan bolup, musabiqe 2 - may kuni sa'et uchte dostane keypiyat ichide bashlinip 90 minut nahayiti jiddiy halda élip bérildi.

Shiwitsiye Uyghur komitéti putbol komandisining tériniri musa aka, norwégiye Uyghur komitétining bash teptishi nighmet ependi, ömerjan aka qatarliqlar musabiqe toghrisida hayajanlirini ipadilep ötti.

Shiwitsiye Uyghur komitétining mu'awin re'isi perhat ependi, yashlar bolumining mes'uli abdurshit ependilermu komitétqa wakalite musabiqighe qatniship öz yürek sözlirini izhar qilip ötti.

Musabiqe qizghin we dostane keypiyat ichide shu küni sa'et 5 lerge yéqin ghelibilik axirlashti. Musabiqidin kéyin her ikki terepning putbolchiliri nahayiti xushal - xoram halda ular uchun teyyarlan'ghan mol nazu - nimetlerge éghiz tekkech, ikki dölettiki Uyghur qérindashlarning we putbolchilarning alaqisini qandaq qilghanda yaxshi kücheytkili bolidighanlighini we putbol arqiliqmu weten dewasi élip barghili bolidighanlighi heqqide keng ‏ - kushade pikir qiliship öz ara tejribe almashturdi. Kech sa'et 8 ge yéqin shiwitsiyidin kelgen méhmanlar qizghin dostluq rishtisi ichide uzutup quyuldi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.