Uyghurlar arisida ' nur bekrige xet ' namliq ghezel tarqaldi

Uyghur aptonom rayonining re'isi nur bekri, qosh tilliq ma'arip we qizlar mesilisi qatarliq bir qatar jiddiy mesililerdiki ijrasi we pozitsiyisi seweblik Uyghur rayonidiki xelqning küchlük naraziliqigha uchrimaqta. Bu naraziliqlar köp hallarda tor betlerde we ammiwiy sorunlardiki söhbetlerde eks etmekte.
Muxbirimiz shöhret hoshur
2009-06-03
Élxet
Pikir
Share
Print
Süret, uyghur diyaridiki melum bazarda toplushup turushqan uyghur ishsiz yashliridin bir körünüsh. Xitayning uyghur aptonum rayoni reisi nur bekri we uyghur ziyaliysi ilham toxti
yéqinda ayrip halda uyghur yashliridiki ishsizliqlar toghrisida oxshimighan qarashlirini otturigha qoyushqan.
Süret, uyghur diyaridiki melum bazarda toplushup turushqan uyghur ishsiz yashliridin bir körünüsh. Xitayning uyghur aptonum rayoni reisi nur bekri we uyghur ziyaliysi ilham toxti yéqinda ayrip halda uyghur yashliridiki ishsizliqlar toghrisida oxshimighan qarashlirini otturigha qoyushqan.
RFA Photo

Tünügün tor betlerning biride " nur bekrige xet" namliq bir parche ghezel élan qilindi. Uningda, jem'iyette nur bekri heqqide boluwatqan shikayetler ixcham shekilde bayan qilin'ghan.

Nur bekri toghriliq jem'iyettiki inkaslardin melum bolushiche, köp qisim Uyghurlar nöwette, nur bekridin Uyghurlarning barliq heq - hoquqlirigha kapaletlik qilishni kütiwatqini yoq. Peqet xitay özi élan qilghan aptonomiye qanunida, Uyghurlargha we Uyghur rayonining re'isige bérilgen hoquqlarni ijra qilishini kütmekte.

Musteqil tetqiqatchi ilham toxtining ikki ay aldida radi'omizgha qilghan sözliri Uyghur jem'iyitidiki eshu xil inkaslardin bir misaldur.
 
Uyghur közetküchilerning qarishiche, yene bir qisim Uyghurlarning nur bekridin kütiwatqini téximu addi: yeni Uyghurlar üchün xizmet qilalmisimu, ziyankeshlik qilmasliq. Héch bolmighanda, Uyghurlarning kélechek menpetige dexli yetküzidighan siyasetlerni yolgha qoyushta bashlamchi bolmasliq. Emma eqelliy telep ret qilishqa uchrimaqta. Qosh tilliq ma'arip nami astida Uyghur tilining yoqilish xewpige duch kélishi؛ éshincha emgek küchi nami astida Uyghur qizlirining xitaygha yötkilishi we téxnik xadimlar nami astida, xitay köchmenlirining Uyghur rayonigha köplep éqishi, re'is nur bekri dewrige a'it bolghan ijralardur.

Qazaqistan'gha tijaret üchün chiqqan bir Uyghur tijaretchi radi'omizgha qilghan sözide nur bekri we uning ijraliri heqqide toxtilidu.
 
Nur bekri nutuqlirining köp qismi atalmish üch xil küchlerge qarshi timigha merkezleshmekte. Uning bu yil béyjingda échilghan ikki yighin mezgilide 3 xil küchlerge qarshi qilghan sözi wang léchüenningkidinmu keskin tonda bolup, bu sözler xelq'ara metbu'atlarda hazirgha a'eder neqil élinmaqta.

Nur bekri Uyghurbiz tor bétide 2 ‏ ayning aldida tenqidke uchrighan idi. Uzun ötmey Uyghurbiz to rbéti taqiwétildi. Uyghur közetküchiler taqash buyruqini nur bekrining chüshürgenlikini texmin qilishmaqta. Emma yuqiriqi ghezel xelqning sadasini taqash we boghush bilen tosuwalghili bolmaydighanliqini ispatlimaqta.


Toluq bet