Prézidént bushning resmiy wezipe tapshuruwélish murasimida sözligen nutqi


2005-01-21
Share

20 - Yanwar küni amérikining paytexti washin'gton shehiride jorj waker bushning ikkinchi qétim amérika prézidéntliq wezipisini tapshuruwélish murasimi ötküzüldi.

Ikkinchi qétim amérika prézidénti bolup saylan'ghan jorj bush, washin'gton waqti chüshtin burun sa'et 11 din 56 minut ötkende sol qolini " injil" ning üstige qoyup turup resmiy qesemyat qildi. Arqidin u resmiy wezipe tapshuruwélish nutqi sözlidi .

Ölümge uchrawatqan, türmide yétiwatqan we sürgünde yashawatqan démokratik islahatchilar! amérika silerni, xelqinglarning we kelgüsidiki erkin döletliringlarning rehberliri dep qaraydu.

Amérika prézidéntlirining resmiy wezipe tapshuruwélish murasimida sözleydighan nutqi, murasimning muhim bir qismi bolup, yéngi saylan'ghan prézidéntning kélerki töt yil ichide élip baridighan ichki we tashqi siyasitining asasliq yönilishini belgileydu.

Mushu sewebtin prézidént bushning peyshenbe küni resmiy wezipe tapshuruwélish murasimida sözligen nutqi muhim ehmiyetke ige idi.

Prézidént bushning nutqini tehlil qilghan analizchilar, jorj bushning nutqi amérika hökümitining kélerki töt yilda bolupmu tashqi munasiwette, ötken töt yildin pütünley perqliq bir siyaset élip baridighanliqini körsitidu déyishmekte.

Kishilik hoquq, erkinlik we démokratiye

Siyasiy analizchilar, bushning nutqi amérika hökümitining kélerki töt yil ichide kishilik hoquq, erkinlik we démokratiye bayriqini igiz kötürüp, bashqa döletler bilen bolghan munasiwitini , yuqirida tilgha élin'ghan uqumlargha körsitidighan hörmitige qarap belgileydighanliqining bishariti hésablinidu dep körsetmekte .

Héchkim bashqa birawning xojayini qilip yaritilmighandek, héchkim qul bolup yaralmighan.

Bezi siyasiy analizchilarning bildürüshiche, prézidént bushning resmiy wezipe tapshuruwélish murasimida sözligen nutqi, xitay, iran, shimaliy koriye we se'udi erebistan qatarliq diktator döletler üchün bir agahlandurush hésablinidiken.

Prézidént bush ikkinchi qétim amérika prézdéntliq wezipisni tapshuruwélish murasimida sözligen notqida mundaq digen:

"Weqeler we omumiy sawattin biz bir xulase chiqarduq. Erkinlikning bizning dölitimizde izchil dawamlishishi barghansiri erkinlikning bashqa döletlerde ghelibe qilishi bilen zich munasiwetlik bolmaqta. Tinchliqning bizning dunyamizda dawamlishishining eng yaxshi yoli azadliqining pütün dunyagha kéngiyishidin ibaret. Biz uzun yillardin béri özini- özi idare qilishning ehmiyitini tekitlep kéliwatimiz. Chünki héchkim bashqa birawning xojayini qilip yaritilmighandek, héchkim qul bolup yaralmighan. Bundaq idiyilerni ilgiri sürüsh bizning ulugh dölitimizning wezipisidur".

Erkinlik idiyisini qollash we qoghdash

Istibdat tüzümlerning hakimiyiti astida ümidsizlik ichide yashawatqan xelqler shuni bilinglarki, amérika silerning ehwalinglarni körmeslikke salmaydu hemde silerge zulum qiliwatqanlarni hergizmu kechürmeydu. Siler qachan erkinlik üchün yénginglarni türsenglar amérika silerning yéninglarda bolidu

Prézidént bush resmiy wezipe tapshuruwélish murasimida sözligen nutqida, erkinlik idiyisini qollash we qoghdashning nöwette amérika milliy bixeterliki üchün bir éhtiyaj we waqitning teqqazasigha aylan'ghanliqini tekitlep mundaq didi:

"Shuning üchün, dunyada mustebit tüzümlerni yoqitish meqsidide herqaysi döletlerde démokratik heriketlerning we démokratik organlarning küchiyishini qollap- quwwetlesh amérikining dölet siyasitidur.

Gerche biz özimizni we dostlirimizni qoral küchi bilen qoghdashqa teyyar bolsaqmu, emma bu peqet qoral küchi bilen qilidighan ish emes. Erkinlikni puqralar özliri tallap qoghdaydu shundaqla u qanun hökümranliqi astida we az sanliq milletlerni qoghdash arqiliq dawamlishidu.

Amérika silerning yéninglarda

Nutqida, amérikining herqaysi döletlerge peqet öz xelqighe adaletlik mu'amile qilghandila amérika bilen yaxshi munasiwet quralaydighanliqini chüshendürüsh arqiliq, bu döletlerni islahat élip birishqa righbetlendüridighanliqini tekitligen prézidént bush mundaq didi:

"Istibdat tüzümlerning hakimiyiti astida ümidsizlik ichide yashawatqan xelqler shuni bilinglarki, amérika silerning ehwalinglarni körmeslikke salmaydu hemde silerge zulum qiliwatqanlarni hergizmu kechürmeydu. Siler qachan erkinlik üchün yénginglarni türsenglar amérika silerning yéninglarda bolidu"

"Biz istibdat tüzümlerning dawamliq mewjut bolup turushini qobul qilalmaymiz. Chünki biz qulluqning adaqqiche dawamlishishini qobul qilmaymiz.

Nutqida erkinlikni söygen kishiler choqum erkinlikke érishidu dep tekitligen prézidént jorj bush, öz wetini ichide weyaki weten sirtida xelqining erkinliki üchün küresh qiliwatqan pa'aliyetchilerge söz qilip mundaq didi

"Ölümge uchrawatqan, türmide yétiwatqan we sürgünde yashawatqan démokratik islahatchilar! amérika silerni, xelqinglarning we kelgüsidiki erkin döletliringlarning rehberliri dep qaraydu. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet