Бейҗиңда, 2008 ‏- йили ечилидиған олимпик йиғини һәққидә мәхсус ахбарат елан қилиш йиғини ечилди


2006-08-10
Share

Бу қетим бейҗиңда ечилған 2008 ‏- йиллиқ олимпик йиғини һәққидики ахбарат елан қилиш йиғинида, мәзкур йиғинға қатнашқан мухбирлар хитайдики мәтбуат мәсилиси һәққидә, көплигән соалларни оттуриға қойди. Мәсилән "олимпик йиғини ечилиш җәрянида, дуняниң һәрқайси җайлиридин нурғунлиған мухбирлар келиши мумкин, бу мухбирлар пәқәт олимпик мусабиқиси һәққидила әмәс, бәлки шу җәрянда хитайда йүз бериватқан мәсилиләр һәққидиму мәлуматлар бериши мумкин. Лекин һөкүмәтниң чәтәллик мухбирларға болған позитсийиси қандақ болиду ? мухбирлар әркин һалда ахбарат елан қилиш һоқоқиға игә болаламду ? " дегәндәк мәсилиләр арқа ‏- арқидин оттуриға қоюлди.

Бейҗиң олимпик комитетиниң муавин рәиси җяң шявйү мухбирлар тәрипидин қоюлған бу суалларға бундақ дәп җаваб бәрди:

"Биз олимпик йиғининиң оңушлуқ ечилишиға капаләтлик қилишта, алди билән әң муһими мәтбуат хизмитиниң яхши болушиға капаләтлик қилишимиз керәк. Һөкүмәт вә олимпик комитети мәтбуат хизмитигә наһайити зор әһмийәт бериватиду. Әгәр бу җәрянда бизниң бәлгилилиримиз олимпик түзүмлиригә мас кәлмәй қалса, биз илаҗи бар олимпик комитетиниң тәлипигә бойсунуп, мәтбуат еһтияҗини қандуримиз . Лекин һәр қайси мәтбуатларниң өз алдиға болған һоқуқи пәрқлиқ болиду. Биз һәрқайси мәтбуатларниң биз дөләт әһвали көздә тутушини үмид қилимиз."

Канадада турушлуқ уйғур зиялийси гүзәл ханим хитайда ечилидиған олимпик йиғини вә бу мәзкур йиғин җәрянидики мәтбуат мәсилиси һәққидә тохтилип, бу һәқтә қарашлирини оттуриға қойди.

Бу һәқтики мәлуматларни, мухбиримиз меһрибандин аңлаң.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт