Норвегийә вә шиветсийидә хитай олимпикигә қарши намайиш елип берилди
2007.10.15
Хитайда өткүзүлмәкчи болған олимпик мусабиқисини байқут қилишни мәқсәт қилған инсан һәқлири мәшилини йәткүзүш паалийити гиретсийидин башлинип, өткән һәптә шветсийигә йитип кәлгән иди. У шиветсийиниң җәнубидики чоң шәһәрләр болған малмө, йөтеборий шәһәрлирини бесип өтүп 13 - өктәбир шәнбә күни норвегийиниң осло шәһиригә йитип келип өз паалийити башлиған.
Осло шәһиридә өткүзүлгән бу паалийәткә норвигийидә паалийәт елип бериватқан бирқисим инсан һәқлири тәшкилатлири, уйғур, тибәт җәмийәтлири вә бир қисим қошна дөләтләрдин кәлгән вәкилләр қатнашқан. Паалийәткә қатнашқан өмәр һаҗим бу паалийәт һәққидә қисқичә мәлумат берип өтти.
Әтиси йәкшәнбә күни йәни 14 - өктәбир күни чүшـтин кейин саәт 2:30 да инсан һәқлири мәшили шиветсийиниң стокһолим шәһиригә йитип келип өз паалийитини башлиди. Паалийәт 2:30 саәт әтрапида давамлашти.
Паалийәт, "хитайдики инсан һәқлири "җәмийитиниң риясәтчиликидә елип берилди. Паалийәткә шиветсийидә яшаватқан уйғурлар, моңғуллар, тибәтләр хитайниң инсан һәқлири тәшкилатлири қатнашқандин сирт хитайдики инсан һәқлири әһвалиға қизиққучи шиветләр, шиветсийә парламинет әзалири вә канададин алаһидә тәклип қилинған бир қисим инсан һәқлири паалийәтчилири қатнашти.
Паалийәт давамида бирқисим инсан һәқлири мутәхәссислири сөзгә чиқип диктатор коммунист хитай һакимийитиниң хитай хәлқини вә хитай территорийисидә яшаватқан уйғур, тибәт, моңғул қатарлиқ башқа итник милләтләрни қирғин қиливатқанлиқини, инсан һәқлири дәпсәндә қилиниватқан бундақ диктатор дөләтләрдә олимпик мусабиқисини өткүзүш олимпикниң роһиға уйғун кәлмәйдиғанлиқини, хәлқара җәмийәтниң хитайда өткүзүлмәкчи болған олимпик мусабиқисини байқут қилип, хитайда яшаватқан хәлқләргә ярдәмдә болушқа чақирди.
Паалийәт әһвали шиветсийә ахбаратлириниң қизғин хәвәр қилиш обиктиға айланди. Дүшәнбә күни стокһолимда чиқидиған нурғун гезитләрдә бу һәқтә хәвәрләр берилгән вә хәвәрләрдә уйғурларниң рәсимлириму алаһидә орун алған. Паалийәт ахирида инсан һәқлири мәшили финландийә дөлитигә өткүзүлүп берилди.
Хәвәрләрдин мәлум болушичә, хитайда өткүзүлмәкчи болған олимпик мусабиқисини байқут қилишни тәшәббус қилған бу инсан һәқлири мәшили явропани мәркәз қилған 39 дөләткә йәткүзилидикән. (ялқун)
Мунасивәтлик мақалилар
- Кишилик һоқуқ олимпик мәшили амстердамға кәлди
- Хитай канада мунасивәтлиридә бейҗиң олимпики
- Тәйвән даирилири бейҗиң олимпик мәшили паалийитигә қатнашмайдиғанлиқини билдүрди
- " Қәдимки греклар 2008 - йиллиқ олимпик мусабиқиси арқилиқ өз қәбрисини қазидиған болди"
- 32 Дөләттики 100 шәһәрдә хитайға қарши паалийәтләр
- Һәрбий маневир вә олимпик билән уйғурларниң мунасивити
- Бейҗиң олимпик тәнһәрикәт йиғини һәққидики муназириләр күчәймәктә (2)
- Канада мәтбуатлирида хитай мәсилилири
- Бейҗиң олимпик тәнһәрикәт йиғини һәққидики муназириләр күчәймәктә (1)
- Шветсийә ахбарат вастилирида илан қилинған бейҗиң олимпик мусабиқиси һәққидики бәс - муназириләр
- Афенада " кишилик һоқуқ мәшилини йәткүзүш" намайиши башланди
- Ванкувер шәһиридики уйғур вә тибәтликләр 2008 - йили олимпикни байқут қилиш намайиши өткүзди
Көп көрүлгән хәвәрләр
RFA
- Әркин асия радийоси уйғур бөлүми: хитайниң уйғурлар үстидики шәпқәтсиз һөкүмранлиқиниң зулмәтлирини йерип өткүчи нур
- Әнглийә һөкүмити уйғур қуллуқ әмгики сәвәбидин хитайда ишләнгән күнтахтиларни чәкләйдиғанлиқини елан қилди
- Германийәниң әң чоң химийә санаити ширкити қаттиқ әйибләшләрдин кейин уйғур районидин айрилғанлиқини елан қилди
- Хитай һөкүмити америка билән хитай арисидики сода урушиниң ақивитидин қаттиқ әндишә қилмақта
- Уйғур кишилик һоқуқ қурулуши хәлқаралиқ меһманхана зәнҗирлириниң уйғур районида кеңийиватқанлиқини әйибләп доклат елан қилди