Herbiy manéwir we olimpik bilen Uyghurlarning munasiwiti
2007.08.16
Xitay hökümitining bu yil 4 - ay ichide 2008 - yilliq béyjing olimpik musabiqisi munasiwiti bilen mexpiy höjjet tarqitip, rabiye qadir xanim re'islikidiki d u q ning toqquz neper rehbiri xadimlirini nazaret qilish buyruqi chiqarghanliqi toghrisidiki xewer ashkarilan'ghandin kéyin, xelq'arada her xil inkaslar peyda bolghan idi.
Xitayning bu höjjitige qarita d u q rehberliri؛ "xitay hökümiti 2008 - yili yüz bérish éhtimali bolghan térrorluq weqelirini d u q gha artmaqchi" dep ipade bildürgen idi. Bu yil 5 - ayda gollandiyide chaqirilghan d u q ning 1 - nöwetlik ijra'iye komitéti yighinida "2008 - yilliq béyjing olimpik musabiqisige qarshi komitét" qurup chiqilghandin kéyin, xitay hökümitining d u q gha bolghan endishisi téximu küchiyip ketken.
Xitay hökümiti bu yil 8 - ayning 8 - küni béyjing olimpik musabiqisige bir yil qalghan xatire künni qutluqlashtin ilgiri, Uyghur aptonom rayonining bashliqliridin wang léchü'en we nur bekriler yighin chaqirip, térrorchilargha, milliy bölgünchilerge we radikal diniy küchlerge qattiq zerbe bérishni qayta - qayta tekitligen. Arqidinla béyjingda 8 - ayning 7 - küni sherqiy türkistan térrorchilirigha zerbe bérishni nishan qilghan manéwir élip bérilghan. Buninggha ulapla 8 - ayning 9 - küni shangxey hemkarliq teshkilatining birleshme manéwir bashlandi. Bu manéwirning tüp meqsitining Uyghurlargha qaritilghanliqi dunya siyasiy analizchiliri teripidin birdek étirap qilindi.
D u q bayanatchisi dilshat réshit ependi xitayning Uyghurlar üstidin yene bir qétim qanliq basturush élip bérishqa asas hazirlawatqanliqini tekitlep ötti.
Béyjing olimpik musabiqisi we herbiy manéwirning Uyghurlar bilen zadi néme munasiwiti bar? bu mesile heqqide d u q bayanatchisi dilshat réshit ependi köz qarashlirini otturigha qoyup, bu heriketlerning Uyghurlarning siyasiy teqdiri bilen munasiwetlik ikenlikini ilgiri sürdi. (Ekrem)
Munasiwetlik maqalilar
- " Tinchliq burchi" manéwiri kimge qaritilghan?
- Béyjing olimpik tenheriket yighini heqqidiki munaziriler kücheymekte (2)
- Kanada metbu'atlirida xitay mesililiri
- Béyjing olimpik tenheriket yighini heqqidiki munaziriler kücheymekte (1)
- Dawamlishiwatqan ikki chong herbiy manéwir üch dölet otturisidiki nazuk mesililerni ashkarilimaqta
- Xu jintaw qirghizistan paytexti bishkekte
- Shangxey hemkarliq teshkilatning herbiy manéwiri heqqidiki inkaslar
- Shwétsiye axbarat wastilirida ilan qilin'ghan béyjing olimpik musabiqisi heqqidiki bes - munaziriler
- Afénada " kishilik hoquq mesh'ilini yetküzüsh" namayishi bashlandi
- Shangxey hemkarliq teshkilatining herbiy manéwiri Uyghur élide
- Wankuwér shehiridiki Uyghur we tibetlikler 2008 - yili olimpikni bayqut qilish namayishi ötküzdi
- Xelq'ara kechürüm teshkilati béyjing olimpikige qarshi naraziliq namayishi élip bardi