D u q "2008 - yilliq béyjing olumpikige qarshi komitéti" ning pa'aliyetliri janlanmaqta

2007-08-03
Élxet
Pikir
Share
Print

D u q ning " 2008 - yilliq béyjing olumpikige qarshi komitéti" 2007 - yili 5 - ayda d u q gollandiyide ötküzgen " 1 - nöwetlik ijra'iye komitéti yighini" mezgilide qurulghan bolup, bu komitét qurulghandin buyanqi ikki ay mabeynide, xelq'araliq hökümetsiz teshkilatlar bilen birliship, béyjing olimpik musabiqisige qarshi pa'al heriketler élip barghan idi.

" 2008 - Yilliq béyjing olumpikige qarshi komitét" ning re'isi bolup saylan'ghan d u q ning mu'awin re'isi esqerjan ependi, Uyghur milliy herikitining rehbiri, d u q re'isi rabiye qadir xanimning ishtiraki bilen 7 - ayning 26 - küni gérmaniyining myunxén shehride chaqirilghan d u q 2 - nöwetlik ijra'iye komitéti yighinida bu komitétning bir yilliq pilan - layihilirini otturigha qoyup, qurultay xadimlirining yaxshi bahasigha érishken idi. Esqerjan ependi béyjing olumpikige qarshi komitétning pa'aliyetliri heqqide ziyaritimizni qobul qilip, bu komitétning 2008 - yilliq béyjing olimpik musabiqisige qarshi jiddiy teyyarliq qiliwatqanliqini semimizge saldi.

Esqerjan ependi yene, béyjing olimpik musabiqisige bir yil qalghan bügünki künde, Uyghurlarning tibetlikler, gérmanlar, yapunlar we bashqa milletler bilen hemkarliship, bir nechche yüz ademning qatnishishi bilen 8 - ayning 4 - küni gérmaniyining myunxén shehride bir yürüsh qarshiliq pa'aliyetlirini oyushturidighanliqini eskertti.

Esqerjan ependi yene, Uyghurlarning we d u q ning 2008 - yilliq béyjing olimpik musabiqisige qarshi meydanini ipadilesh üchün, pat arida, her qaysi döletlerning munasiwetlik organlirigha naraziliq mektupliri yollaydighanliqini alahide tilgha élip ötti.

D u q béyjing olumpikige qarshi komitétning her qaysi ellerdiki wekilliri aldimizdiki aylarda élip baridighan yene bir yürüsh pa'aliyetlirining pilan - programmilirini 27 - iyul küni chaqirilghan 2 - nöwetlik ijra'iye komitéti yighinida qarardin ötküzgen bolup, bu pa'aliyetlergimu Uyghurlardin bashqa yene , köpligen milletler ishtirak qilidiken we xelq'aradiki hökümetsiz teshkilatlar izchil hemkarlishidiken. (Ekrem)

Pikirler (0)
Share
Toluq bet