Uyghurlar olimpik mesh'ili bikiti istanbulda birleshme axbarat yighini ötküzdi


2008-04-02
Share

‏- Yili 4 ‏- ayning 2 ‏- küni türkiyidiki sherqiy türkistan teshkilatliri istanbul shehiride axbarat élan qilish yighini ötküzdi. RFA Photo / Arslan

2008 ‏- Yili 4 ‏- ayning 2 ‏- küni türkiyidiki sherqiy türkistan teshkilatliri istanbul shehiride axbarat élan qilish yighini ötküzdi. Yighin istanbul shehirining millet yolidiki besh yultuzluq "goldin hil" méhmanxanisida ötküzüldi.

Yighin'gha türkiyidiki Uyghur teshkilatlirining 120 din artuq wekilliri ishtirak qildi

Bu yighinni merkizi qeyseri shehirige jaylashqan sherqiy türkistan medeniyet we hemkarliq jem'iyiti, istanbulda pa'aliyet qiliwatqan sherqiy türkistan ma'arip we hemkarliq jem'iyiti, enqerediki sherqiy türkistan medeniyet we hemkarliq jem'iyiti, türk dunyasi insan heqliri jem'iyiti, sherqiy türkistan yashlar teshkilati birlikte oyushturghan bolup, yighin'gha t r t we qanal 7 qatarliq bir qanche radi'o ‏- téliwézisining muxbirliri we axbaratchilar, sherqiy türkistan jem'iyet we teshkilatlarning rehberliri bolup 120 din artuq kishi ishtirak qildi.

Yighinda dunya Uyghur qurultéyining mu'awin bashliqi siyt tümtürk ependi, sherqiy türkistan hemkarliq jem'iyiti enqere shöbe bashliqi xeyrullah ependi, sherqiy türkistan ma'arip we hemkarliq jem'iyitining bashliqi doktur atawullah shehyar, sherqiy türkistan waqpining mu'awin bashliqi proféssor doktur sultan mehmud qeshqerli, sherqiy türkistan köchmenler jem'iyitining bash katipi exmet türkuz ependi, sherqiy türkistan yashlar teshkilati bashliqi tibet yüje türk ependi, türk dunyasi insan heqliri jem'iyiti re'isi abdullah boksur ependi qatarliq rehberler sherqiy türkistan we olimpik musabiqisi toghrisida söz qildi.

Doktur atawullah shehyarning sözi

Sherqiy türkistan ma'arip we hemkarliq jem'iyitining bashliqi doktur atawullah shehyar söz qilip mundaq dédi: "tinchliqning simwoli bolghan olimpik musabiqisining insan heqliri depsende boluwatqan xitayda ötküzülüshige sherqiy türkistan ma'arip we hemkarliq jem'iyitining re'isi bolush süpitim bilen qarshi turimen. Tibette yuz bergen tiragédiyilerge epsuslinarliq bilen échinimen. Xitay hakimiyiti shu'an sherqiy türkistan we tibette insan qélipidin chiqqan jinayetlerni sadir qilmaqta. Shuning üchün dunya jama'etchilikini 2008 - yilliq olimpik musabiqisining béyjingda ötküzülüshini emeldin qaldurush arqiliq sherqiy türkistan we tibetning azatliq körishini qollashqa chaqirimen."

Yighinning meqsiti béyjing olimpik mesh'ilining istanbulda tutashturulushigha qarshi turush

Yighin oyushturulghan 7 qewetlik méhmanxanining témigha ésilghan kengliki 6 métir uzunliqi 8 métir hejimdiki chong resimde qeshqer héytgah aldida namaz oquwatqanlarning olimpik mesh'ili astida köyüwatqanliqi ipadilen'gen hemde türk tilida : "béyjing olimpik mesh'ili sherqiy türkistanda, tibette, ichki mongghulda mezlumlarni köydürüwatidu", "2008 ‏- yilliq olimpik musabiqisini xitaygha bergenler zulumgha hemkarlashqanlardur" dégen sözler yézilghan bolup , bu körünush yoldin ötkenlerning alahide diqqitini qozghidi.

Yighin axirida dunya Uyghur qurultéyining mu'awin re'isi siyt tümtürk ependi bilen bu axbarat yéghini toghrisida söhbet élip barduq. (Arslan)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet