Birleshken döletler teshkilati omumiy yighinida ölüm jazasini emeldin qaldurush heqqidiki teklip maqullandi


2007-12-19
Share

Birleshken döletler teshkilati omumiy yighinida, ölüm jazasini emeldin qaldurush heqqide otturigha qoyulghan teklip bezi döletlerning qarshiliqigha uchrighan bolsimu, yenila köp sanliqning qollishigha érishti.

Birleshme agéntliqining bayan qilishiche, birleshken döletler teshkilatining 12 ‏- ayning 18 ‏- künidiki omum yighinida ölüm jazasini emeldin yaki qaldurmasliq heqqide awaz qoyghanda, 192 eza döletning 104 ning qollishi, 54 ning qarshi turushi, 29 ning hoquqidin waz kéchishi bilen, ölüm jazasini emeldin qaldurush heqqidiki bu teklip axir maqulluqtin ötti.

Xewerde bayan qilinishiche, ötken yilida pütün dunya boyiche 5628 ademge ölüm jazasi bérilgen bolup, buning 5000 i xitayda, qalghan 600 nechche ademning köpinchisi kommunist döletliride ijra qilin'ghan.

Xewerde bayan qilinishiche, b d t ning tünügünki omumiy yighinida, bash katip ban kimun hemme döletni bu qarargha ehmiyet bérishke, pütün dunyada ölüm jazasini bikar qilishning birinchi qedimini bésishqa chaqirghanda, misir, malayshiya, bén'gal, süriye qatarliq islam döletliri her bir döletning igilik hoquqigha dexli - teriz qilinmasliqini tekitlidi. Xitayning wekili bolsa, bu mesilining herbir döletning qanunigha bérip taqilidighan mesile ikenlikini, bu heqte herbir dölet sirttin arilishish yüz bermigen ehwal astida özi qarar chiqirishi lazimliqini tekitlidi. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet