Ömer Uyghur weqpi barin weqesining 19 yilliqi munasiwiti bilen pa'aliyet ötküzdi

Dunyaning herqaysi jayliridiki Uyghurlargha oxshashla pakistanning islamabat shehride yashawatqan Uyghurlarmu 4 ‏- ayning 5 ‏- küni ömer Uyghur weqpining uyushturishida, barin weqesining 19 yilliqi munasiwiti bilen barin shéhitlirining ruhigha qurani kerim oqutqandin kéyin teshkilatning zalida barin shéhitlirini xatirilesh yighini ötküzgen.
Muxbirimiz erkin tarim
2009.04.07
Pakistan-Omer-wexpi-barin-305 Pakistanning islamabat shehride yashawatqan uyghurlarmu 4 ‏- ayning 5 ‏- küni ömer uyghur weqpining uyushturishida, barin weqesining 19 yilliqi munasiwiti bilen barin shéhitlirini xatirilesh paaliyiti ötküzgen.
RFA Photo / Erkin Tarim

Bu pa'aliyetke pakistanning islamabat shehride  yashawatqan Uyghurlardin bolup köp sanda kishi qatnashqan. Ömer Uyghur weqpi mes'ulliridin ekber osman  ependi teshkilatining tunji qétim  bu xil pa'aliyetni ötküzgenlikini buning pakistanda  yashawatqan wetinige béripmu baqmighan ana tilini untup qalay dep qalghan  Uyghurlarning öz tarixini öginish musteqilliqqa bolghan intilishini kücheytish üchün intayin muhim ikenlikini éytti.

U yene burun pakistandiki Uyghurlarning sherqiy türkistanda bolghanlardin xewerdar emeslikini özlirining türkiye qeyseridiki Uyghurlardin tesirlinip weqip qurup bu xil pa'aliyetlerni qilishqa bashlighanliqini éytti.

Ömer Uyghur weqpining qurghuchi bashliqi ömer osman ependi öziningmu emdi weqpining ana til mektipide Uyghurche öginishke bashlighanliqini buningdin kéyin Uyghur tarixidiki muhim weqelerni xatirilesh pa'aliyetlirini dawamliq halda uyushturidighanliqini éytti.

Biz bu pa'aliyet heqqide téximu tepsili melumat élish üchün pa'aliyetni uyushturghuchi teshkilatning mes'ulliri bilen téléfon ziyariti élip barduq.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.