Özbék sen'etkar we ziyaliyliri osh we jalal'abad weqesi heqqide qarashlirini bayan qildi

Sürette, 14 - iyun, osh shehirining ayrodrom etrapini saqlawatqan qirghiz eskerliri.

Meshhur özbék xelq artisi yulduz osmanowa xanimning bu heqte bir kéchide ijad qilip intérnétte élan qilghan naxshisini 30 mingdin artuq kishi anglighan bolup, osh paji'esige béghishlan'ghan bu naxsha kishiler arisida alahide hayajan qozghidi.

Türkiye qoch uniwérsitéti proféssori témur ghoja ependi yulduz xanim éytqan naxsha shuningdek özbék we qirghiz xelqi otturisidiki nöwettiki weziyet hemde bu ziddiyetlerni hel qilish chariliri toghrisida pikir bayan qildi.

Dangliq özbékistan xelq artisi yulduz osmanowa, osh we jalal'abad oblastlirida qirghinchiliqqa uchrighan özbék xelqi üchün i'ane toplash, iqtisadiy jehettin yardem qilish pa'aliyetlirini élip bérishtin sirt, bir kéchide nahayiti tesirlik bir naxsha ijad qilip, intérnét tor meydanliri arqiliq dunyagha tarqatti.

Yulduz osmanowa xanimning naxshisida bayan qilin'ghan mezmunlar shuningdek bu qétim yüz bergen weqe heqqide biz türkiyide yashawatqan özbék ziyaliysi, türkiye qoch uniwérsitétining proféssori témur ghoja ependini ziyaret qilduq.

Yuqiridiki awaz ulinishidin, bu heqtiki söhbitimizning tepsilatini anglaysiler.