Istanbulda milli qehriman osman baturni eslesh yighini échildi


2007-08-03
Share

8-Ayning 2-küni istanbul zeytinburnu rayonluq hökümetning zalida qehriman osman baturni eslesh namliq yighin échildi. Osman baturning newrisi söz qilghan. photos are by Erkin Tarim / RFA

8-Ayning 2-küni istanbul zeytinburnu rayonluq hökümetning zalida 21-esirde xitaygha qarshi mujadile élip barghan milli qehriman osman baturni eslesh namliq yighin échildi. Bu yighinni sherqiy türkistan köchmenler jem'iyiti uyushturghan bolup, yighin'gha türkiye - yawrupa palaménterler birliki bashliqi, sabiq parlamént ezasi prof. Dr. Newzat yalchintash qatnashqan we söz qilghan. Bulardin bashqa yighin'gha yene , zeytinburnu rayonluq hökümet mes'ulliri, istanbulda pa'aliyet élip bériwatqan sherqiy türkistan ammiwi teshkilatlirining mes'ulliri we Uyghur, qazaq köchmenlerdin bolup 200 din artuq kishi qatnashqan.

Yighinning échilish nutqini yawru ‏- asiya ammiwi teshkilatliri fédiratsyoni sékritari dr. Ehmet türköz qilghan bolup, yighinda prof. Dr. Newzat yalchintash, sherqiy türkistan köchmenler jem'iyiti bashli'iqi xizirbeg gheyritullah , osman baturning newrisi örken nebiy'oghli qatarliqlar osman baturning hayati we u heqqide élip bérilghan tetqiqatlar, sherqiy türkstanning bügünki weziyiti témilirida söz qilghan. Bu yighin osman baturning newrisi örken nebiy'oghlining türkiyide élip bériwatqan ziyariti munasiwiti bilen ötküzülgen bolup, istanbuldiki Uyghur we qazaq köchmenler buninggha aktipliq bilen qatnashqan.

Biz bu yighinning tepsilati heqqide silerge téximu köp melumat bérish üchün yighin'gha qatnashqan sherqiy türkistan wexpi mudiri hamut göktürk we yighinda söz qilghan yawru ‏- asiya ammiwi teshkilatlar fédiratsyoni sékritari dr. Ehmet türköz ependiler bilen téléfon ziyariti élip barduq.

Yawru ‏- asiya ammiwiy teshkilatlar birliki sékritari dr. Ehmet türköz ependi xitay hökümitining bügünki kündimu osman batur ismidin qorquwatqanliqini éytip mundaq dédi:" 20-esirde xitaygha qarshi eng büyük mujadile élip barghan qehrimanlardin biri osman baturdur. Xitay hökümiti osman baturning ismidin bügünmu qorqmaqta. Buning sewebi ular türkiyidiki, yawropadiki sherqiy türkistanliq qazaqlarni xitay elchiliklirining aldida xitaygha qarshi namayish qilmisun, dep ésil ashxanilargha chaqirip méhman qilmaqta.

Her yili 2-3 qazaqning pütün chiqimini bérip xitaygha apirip aylanduriwatidu. Yéqinda alghan melumatlargha qarighanda, bu yil 20 neper etrapidiki qazaqni xitaygha apirip aylandurghan. Menche buning sewebi xitay 2008 - yili béyjingda échilidighan olimpik musabiqisini qazaq teshkilatlirining eyiblishining aldini élish shundaqla özining insan heqliri depsendilirini yépishtin ibaret. Menche pütün dunyadiki sherqiy türkistan teshkilatliri osman baturning ish - izlirini yash - ösmürlerge we dunya jama'etchilikige anglitish arqiliq bizning heqliq dawayimizni kücheytishimiz kérek." (Erkin tarim)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet