Pakistan yene 9 neper Uyghurni xitaygha qayturup berdi

Pakistanning qebililer rayonida bir türküm Uyghur musteqilchilirining qoralliq terbiye körüwatqanliqi olimpiktin buyanqi xewerlerde pat - pat tilgha élinmaqta. Nöwette ularning sani, teshkiliy munasiwiti heqqide éniq melumat yoq.
Muxbirimiz shöhret hoshur
2009-04-27
Share
xu-zardari-beyjingda-305.jpg 15 - Öktebir, xitayni ziyaret qiliwatqan pakistan prézidénti asif zardari bilen xu jintaw, xitay hörmet qarawullirining aldida.
AFP Photo

Emma intérnéttiki toluqsiz melumatlarda, ularning sherqi türkistan islam partiyisi nami astida teshkillen'genliki, sherqi türkistandiki xitay hakimiyitige xatime bérish üchün qoralliq küresh yolini tallighanliqi melum. Bügün pakistanda chiqidighan kündilik xewerler géziti ene eshu Uyghurlardin 9 kishini pakistan hökümitining xitaygha qayturghanliqini xewer qildi.

Xewerde pakistan ichki ishlar ministirliki teminligen uchurgha asasen, "bu 9 neper Uyghur bixeterlik küchlirige hujum qilish qatarliq térrorluq heriketliri bilen shughullan'ghan" dep yézilghan. Emma qaysi döletning bixeterlik küchlirige we qachan, qeyerde hujum qilghanliqi bayan qilinmighan.

Hazirgha qeder pakistanning qebililer rayonida Uyghurlarning bar - yoqluqi we kimliki heqqide Uyghur teshkilatliri arisida perqliq qarashlar mewjut؛ beziler qebililer rayonida Uyghurlar yoqluqini bildürse, beziler bu jayda bir türküm Uyghurlarning panahliniwatqanliqini bildürgen؛ yene beziler bolsa, sherqi türkistan mesiliside tinchliq yolidin ümid üzgen bir türküm yashlarning pakistan we afghanistan chégrisi arisida herbiy meshiq élip bériwatqanliqini we xitaygha qarshi qoralliq qarshiliq körsitish üchün teyyarliniwatqanliqini bildürmekte.

Hazirgha qeder mezkur jaylarda pa'aliyet élip bériwatqan Uyghurlargha a'it teshwiqat matériyallirida, mezkur guruppining nami heqqide sherqi türkistan islam herikiti, türkistan islam partiyisi we yaki sherqi türkistan islam partiyisi qatarliq üch xil nam mewjut. Mezkur teshkilatning eng yéqinqi bayanatida teshkilatining nami sherqi türkistan islam partiyisi dep atalghan.

Mezkur teshkilatqa a'it teshwiqat matériyallirida, ularning elqa'ide we taliban bilen teshkiliy munasiwiti yoqluqi eskertilgen. Bolupmu sherqi türkistan islam herikitining sabiq bashliqi hesen mexsum, 2003 ‏ - yili radi'omizgha bergen bayanatida, elqa'ide we taliban bolghan munasiwitini ashkara ret qilghan idi.

Pakistan hökümitining bu  qilmishigha d u q we herqaysi memliketlerdiki Uyghur teshkilatliri qattiq naraziliq bildürdi we pakistanni eyiblidi.

Kanada Uyghur jem'iyitining re'isi ruqiye turdush xanim pakistan hökümitining 9 neper Uyghurni xitaygha ötküzüp bergenlikini radi'omiz arqiliq qattiq eyiblep bayanat élan qildi.

Yuqiridiki awaz ulinishidin, bu heqtiki melumatimizning tepsilatini anglaysiler.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet