Америка - пакстан мунасивәтлири вә униң кәлгүси тоғрисида гуваһлиқ бериш йиғини чақирилди


2007.07.26
Share on WhatsApp
Share on WhatsApp

25- Июл чаршәнбә күни америка кеңәш палатаси ташқи мунасивәтләр комитети гуваһлиқ бериш йиғини чақирип пакистанниң кәлгүси: демократийә қурулушиму яки әсәбийликни улғайтишму дегән тема астида сөһбәт елип барди.

Йиғин массачусетс вәкили демократ җон кәрийниң риясәтчиликидә давам әтти. У соз бешида, "пакистанниң һазирқи әһвали интайин һалқилиқ нуқтида турмақта" дәп көрсәтти вә америка ирақтики урушиға милйонлап пул сәрп қиливатқан вә иран мунасивәтлиригә интайин көңүл бөлүватқан бир пәйттә , америка җасуслуқ органлириниң пакистанда әлқаидә вә талибан күчлириниң тәрәққий қилип америка бихәтәрлики үчүн биваситә тәһдит туғдуруватқанлиқи тоғрисида агаһландуруш бәргәнликини әскәртип өтти.

Николас бурнс": шәрқий җәнуби асиядики террорлуққа қарши күришимизниң ғәлибиси интайин муһим"

Бу нөвәтлик йиғинда асаслиқ гуваһлиқ бәргүчи николас бурнс болуп у америка һөкүмити пакистан вә һиндистан ишлири үчүн алаһидә тәйинлигән әлчи вә муавин ташқи ишлар министири.

Николас бурнс, америкиниң әлқаидә билән күрәш қилишта пакистанниң америка қошма штатлириниң террорлуққа қарши күрәш қилиштики әң муһим шерики икәнликини әскәртип өтти вә пакистандики қәбилә районида әдәп кетиватқан әлқаидә қораллиқ күчлиригә үнүмлүк зәрбә бериштә йәнила пакистан һөкүмитигә еһтияҗи чүшидиғанлиқини көрситип " әлқаидә вә талибан күчлири пакистан земинида бир күч сүпитидә мәвҗуд болуп турмақта . Бу дүшмәнләрни мәғлуп қилиш бизниң шәрқий җәнуби асияда террорлуққа қарши күришимизниң ғәлибиси үчүн интайин муһим" дәйду.

Җон кәрий": пакистандики һазирқи истратегийимиз нәтиҗә бәрмиди"

Гуваһлиқ бериш йиғини җәрянида, бир нәччә демократлар пакистан президенти мушәррәпниң террорчилар билән күрәш қилиш роһиға нисбәтән шүбһилинидиғанлиқини оттуриға қоюп, нурғун террорчиларниң, афғанистан чегрисидин өтүп пакистанға беривалғанлиқи һәмдә буш һөкүмитиниң пакистан һөкүмитигә 2001- йили 11- сентәбир вәқәсидин кийин 10 милярд доллар ярдәм пули бәргәнликидин анчә рази әмәсликини ипадиләшти.

Җон кәрий америкиниң афғанистандики һәрбий илгириләшлириниң америкиниң күткинидәк болмиғанлиқини оттуриға қоюп "бизниң пакистандики һазирқи истратегийимиз, болупму бизниң асаслиқ нишанимиз болған террорчиларға қарши туруш күришимиз нәтиҗә бәрмиди" деди вә буниң пакистан үчүн вә америка ‏- пакистан мунасивәтлири үчүн бәк муһим икәнликини әскәртип, бу хил мунасивәтниң бәк зор истратегийилик әһмийити барлиқини тәкитлиди.

Әмма, бурнс мушәррәпниң террорчилар билән җәң қилиш роһидин гуман қилмайдиғанлиқини ипадиләп: "пакистан террорчилар билән җәң қилишта нурғун әскиридин айрилди" дәйду.

Җумһурийәтчи палата әзаси ричард лугар америка ‏- пакистан мунасивәтлириниң интайин мурәккәп икәнликини көрситип өтти вә америкиниң пакистанға бәргән ярдими чоқум пакистанниң террорлуққа қарши күрәшлиридики илгириләш вә һәрбий идарә қилиштин мустәсна болған демократийә йөнилишигә қарап илгириләш шәрти асасида елип берилиши керәкликини оттуриға қойди.

Америка мутәхәссиси ": шәрқи җәнубий асия истратегийисини қайта тәртипкә селиш пурсити кәлди "

Гуваһлиқ бәргүчи бурнс америка билән пакистанниң дипломатийә тарихини әсләп өтүп гәрчә пакистан билән америка мунасивәтлиридә мәлум үзүкчилик садир болған болсиму, бундин кейин ундақ болмайдиғанлиқини оттуриға қоюп: " биз америкилиқлар учун, пакистан билән болған һәмкарлиқимизни техиму изчиллаштуруп пакистанда хәйирлик ишларни қилишқа өзимизни аташтин, у дөләтниң техиму муқим болушиға ярдәм бериштинму муһим иш болмиса керәк "дәйду.

Палата әзаси җим вәб хитай билән пакистан мунасивәтлирини әсләп өтүп: "әгәр хитайниң ярдими болмиған болса , пакистан ядро қораллириға еришәлмигән болатти" деди вә бу һәқтә бурун америка һөкүмитигә агаһландуруш бәргәнликини, пакистан билән болған мунасивәтниң йәнила мурәккәп бир мәсилә икәнликини оттуриға қойди.

Ахирида доктур фиколән, пакистанниң нурғун синақларға дуч келиватқанлиқини, пакистанниң кәлгүси демократийигә қарап меңиши үчүн, хитайниң пакистанда хели коп мәнпәәти бар болғанлиқи үчүн, хитай вә һиндистан билән техиму илгирилигән һалда сөһбәт елип бериши керәкликини, һәмдә хитай вә һиндистанниң пакистанниң бир радикал дөләткә айлинип қелишини халимайдиғанлиқини , мушу нуқтидин ейтқанда америка үчүн һиндистан билән пакистанға ярдәмлишип шәрқи җәнубий асия истратегийисини қайта тәртипкә селиш пурсити кәлди , ‏- деди. (Җүмә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт