Ömer Uyghur wexpi: 'pakistandiki kelkün apitide Uyghurlar ziyan'gha uchrimidi'

Pakistanda yüz bergen kelkün apitide hazirgha qeder 14 milyon'gha yéqin kishi oxshimighan derijide ziyan'gha uchrighan, buning ichide 1500 din artuq kishi ölgen. 722 Ming a'ilining öyi xaniweyran bolghan.
Muxbirimiz shohret hoshur
2010-08-25
Share
Omer-Uyghur-wexpi-Pakistan-Su-apitide-yardemde-305 Süret, pakistandiki ömer uyghur wexpining apetke uchrighanlargha yardem qilish paaliyitidin bir körünüsh bolup, ömer uyghur wexpi aldinqi 3 kün ichide 1300 ailige yémek - ichmek tarqatqan.
RFA Photo / Shohret Hoshur

Toluqsiz melumatlardin qarighanda, nöwette pakistanda 3000 din artuq Uyghur yashaydu. Bular pakistan'gha ötken esirning bash we otturilirida hijret qilghan. Igilishimizche, pakistandiki Uyghurlar bu qétimqi kelkün apitining ziyinigha uchrimighan.

Apet deslepte asasliqi pakistanning gherbiy shimal qismidiki yézilarda yüz bergen, arqidin jenubiy qismigha kéngeygen. Yerlik ahalilerdin igilishimizche, apetke uchrighanlargha nöwette jiddiy kérek boluwatqini pakiz su, ta'am , turalghu we yépincha buyumlardur.

Nöwette xelq'araliq yardem teshkilatliri pakistanda jiddiy qutquzush élip barmaqta. Apetke uchrighan ahalilerdin birining bildürüshiche, pakistandiki ömer Uyghur wexpimu apetke uchrighanlargha yardem qilish pa'aliyiti élip barghan.

Ömer Uyghur wexpi aldinqi 3 kün ichide 1300 a'ilige yémek - ichmek tarqatqan bolup, wexpining katipi ekberjan, bu qétimqi yardem pa'aliyitining insanperwerlik teripidin bashqa tereplirinimu chüshendürüp ötti.

Yuqiridiki awaz ulinishidin, pakistandiki kelkün apiti we u yerdiki Uyghurlarning pa'aliyiti heqqidiki melumatimizning tepsilatini anglaysiler.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet