Пакистанда уйғурларға қарита қанунсиз өй ахтуруш вә тутқун қилиш зораванлиқи давам қилмақта

Бир һәптидин бери пакистанда яшаватқан уйғурларға қарита пакистан сақчилири тәрипидин қанунсиз өй ахтуруш вә тутқун қилиш зораванлиқи йүз бәрмәктә.
Мухбиримиз шоһрәт һошур
2010-04-01
Share
Pakistan-Ana-Til-Mektep-Omer-Wexpi-ezaliri-305.jpg Сүрәттә, өмәр вәхпи башлиғи өмәр башчилиқидики вәхип әзалири вә уйғур анатил мәктәп оқуғучилири.
RFA Photo / Shohret Hoshur

Сақчилар 4 күнниң алдида абдухалиқ исимлик бир яшни, арқидин инайитуллаһ исимлик бир яшни, алдинқи күни йәнә 80 яшлиқ муһәммәд рози исимлик кишини тутқун қилған. Түнүгүн йәнә пакистанда паалийәт елип бериватқан өмәр уйғурниң дадиси, аниси вә икки қериндиши тутқун қилинип бир күн сорақ қилинип қоюветилгән.

Пакистан сақчилири бу қетимқи өй ахтуруш вә тутқун қилиш һәрикити давамида уйғурларға һечқандақ бир рәсмийәт вә сәвәб көрсәтмигән.

Пакистандики уйғурлардин бириниң билдүрүшичә, сақчилар түнүгүн өмәр уйғурниң өйини қопаллиқ билән ахтурғандин кейин, өмәр уйғур аилисидин өмәр уйғур вә иниси әкбәрни тепип беришни тәләп қилған. Арқидин еғир дәриҗидә тәһдит селип, өмәр уйғурниң 15 яшлиқ иниси халидни өйидин, йәнә бир инисини ишләватқан ашханисидин бағлап вә көзини теңип елип кәткән.

Йеқинқи бир қанчә күн ичидики тутқунда җәмий 9 киши тутқун қилинип, булардин 7 нәпири қоюветилгән; иккиси техичә қоюветилмигән һәм нәдилики һәққидә һечқандақ учур берилмигән. Сақчилар издәватқан өмәр уйғур вәхпиниң башлиқи өмәр вә иниси әкбәр ғайип болған. Нөвәттә пакистандики уйғурлар вәқәни әҗәблиниш ичидә көзәтмәктә вә әндишә ичидә яшимақта.

Мәлум болушичә, пакистан сақчилири йеқинқи айлардин бери өмәр уйғур вәхпи үстидин бир қанчә қетим тәкшүрүш елип барған. Тәкшүрүш җәрянида һечқандақ мәсилә тапалмиғандин кейин, өмәр уйғур вәхпиниң чәтәлләрдики уйғур тәшкилатлири билән алақилашмаслиқини тәвсийә қилған.

Өмәр уйғур қатарлиқ яшлар, 4 ‏- айниң ахири билгийидә ечилидиған дуня уйғур қурултийиниң тәшкилат рәһбәрлирини тәрбийиләш курсиға қатнишиш үчүн, алдинқи һәптә белгийә консулиға визиға илтимас қилған. Хитай консулиниң бу әһвалдин хәвәр тапқанлиқи вә униңдин биарам болуп, пакистан һөкүмитини һәрикәткә кәлтүргәнлики тәхмин қилинмақта.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт