Pakistandiki Uyghur ayal Uyghur teshkilatigha minnetdarliqini we xitay elchixanisigha bolghan naraziliqlirini bildürdi

U yurtigha qaytip ketmekchi bolghanda, pakistandiki xitay elchixanisi uning pasport we wiza ishlirini qiyinlashturup uning qaytish sepirige tosqunluq qilghan؛ shu kündin buyan bu ayal pakistandiki Uyghur pa'aliyetchilirining himayisi astida yashap kéliwatqan we yurtigha qaytish sepirining wiza resmiyetlirini kütüp turuwatqan idi. U bügün radi'omizgha téléfon qilip, xitay elchixanisi xadimlirining mes'uliyetsizlikige yene bir qétim naraziliq bildürdi we özige sahib chiqqan Uyghur teshkilatigha minnetdarliqini bildürdi:

Bu ayal 8 ayning aldida bir qétim öz ehwalini axbaratta élan qilip, pakistandiki xitay elchixanisining mes'uliyetsizliklirin'i pash qilghan. Ilgiri bu ayalning iltimasigha qopal mu'amile qilghan we hetta qulaq salmighan xitay elchixanisi xadimliri shuningdin kéyin, uning telep -shikayetlirige diqqet qilishqa bashlighan hem uning xitay nopusidiki ikki perzentining pasportini püttürüp bergen bolsimu, emma pakistan nopusidiki ikki perzentige wiza bérishni hazirghiche püttürüp bermigen. Uning turmush ehwali toghrisida hazirghiche héchqandaq bir orunlashturush élip barmighan.