Uyghurlarning pasportini yighiwélish weqesi türkiyide ghulghula qozghidi

• Muxbirimiz erkin tarimning bu heqtiki toluq melumati
• Download story audio

Xitay hökümitining Uyghurlarning pasportini omumyüzlük halda yighiwélishqa bashlighanliqi heqqidiki xewer tarqalghandin kéyin türkiyidiki ammiwi teshkilatlar, Uyghur muhajirlar we oqughuchilar arisida ghulghula qozghaldi.

Türkiye ottura asiya türkiy jumhuriyetliridin qalsila, Uyghurlar eng köp yerleshken we Uyghur oqughuchilar eng köp oquwatqan döletlerning biri. Bolupmu, 1980-yillardin kéyin, her xil sewebler bilen türkiyige kélip -kétiwatqan Uyghurlarning sani téz sür'et bilen köpeygen idi.

Xitayning pasportlarni yighiwélish siyasiti türkiyidiki Uyghurlarni qattiq endishige saldi. Biz bu heqtiki köz qarishini élish üchün sherqiy türkistan ma'arip we hemkarliq jem'iyiti re'isi ablikim haji , sherqiy türkistan wexpi bash sékritari hamut göktürk we bezi oqughuchilar bilen söhbet élip barduq.

Ularning hemmisi xitayning bu siyasitining Uyghurlarning xitay hökümitige bolghan nepritini kücheytishtin bashqa héchbir ishqa yarimaydighanliqini, 21-esirde bu xil heriketlerning insan heq - hoquqlirigha xilap ikenlikini éytishti.

Türkiyide oquwatqan oqughuchilar bolsa özlirining yaxshi oqup weten'ge qaytishtin bashqa niyitining yoqluqini, yazda öyge qaytishqa teyyarliniwatqanda bu xewerni anglap özlirining ensirep qalghanliqini éytishti. (Erkin tarim)