Uyghur élide bu yil 100 ming oqughuchi paxta térishke chiqmaqchi

• Muxbirimiz peridening bu heqtiki tepsili melumati
• Download story audio

"Ürümchi kechlik géziti" de élan qilin'ghan xewerde melum bolushiche, Uyghur aptonom rayonluq ma'arip nazariti "emgek dersi" nami bilen bu yil 9 -ayning 15 - künidin 10 -ayghiche bolghan mezgilde, 100 ming oqughuchini Uyghur élining jenubiy we shimaliy rayonlirigha élip bérip, paxta térishke salidiken. Bu ikki heptilik paxta térish herikitige aliy mektep, ottura téxnikom we ottura mektep oqughuchiliridin sirt yene bashlan'ghuch mektep oqughuchilirimu qatnishidiken. Ma'arip nazariting bildürüshiche, bashlan'ghuch mektepning 3 -yilliqtin yuqiri siniptiki oqughuchiliri choqum paxta térishqa chiqishi kérek iken. Shundaqla belgilime boyiche, paxta térish waqti, üchinchi yilliqtin yuqiri bashlan'ghuch mektep oqughuchilirigha bir hepte, toluqsiz we toluq ottura mektep oqughuchilirigha bolsa ikki hepte bolidiken.