Bingtu'endiki bir xitay déhqanning kéwez térish heqqide éytqanliri


2006.09.20

Xitay agéntliqining ürümchidin bergen xewerliridin melum bolishiche, bu yil Uyghur élige bérip ishlepchiqirish qurulush armiyiside paxta térish emgikige qatnishiwatqan xitay déhqanlirining sani hazirning özide 300 mingdin éship ketken.

Xitay ölkiliridin kéliwatqan déhqanlarning 2 ay ichide 5 – 7 ming yüen pul tapalaydu

Xewerlerdin melum bolishiche, xitay ölkiliridin kéliwatqan bu déhqanlar qisqighina 2 ay ichide 5 ‏- 6 ming yüen hetta 7 ming yüenlep pul tapidiken.

Ishlepchiqirish qurulush armiyisidiki kéwez igiliri bolsa nechche yüz minglap kirim qilidiken. Ziyaritimizni qubul qilghan ishlepchiqirish qurulush armiyisining 8 ‏- diwiziyisidiki bir xitay déhqan mezkur diwiziyige her yili dégidek xitayning xénen, gensu, sichu'enk shenshi qatarliq her qaysi ölkiliridin nechche on minglighan déhqanning paxta térgili kélidighanliqini hetta bularning arisida Uyghur élining ghulja xoten we shixenze qatarliq jayliridin kelgen nurghun Uyghur déhqanliriningmu bar ikenlikini melum qildi.

Ziyaritimizni qobul qilghan bu xitay déhqan xitay ölkiliridin kéliwatqan déhqanlarning qisqighina 2 ay ichide 5 - 7 ming yüenlep pul tapalaydighanliqini melum qildi. Lékin muxbirimiz uningdin "silerning diwiziyige kélip ishligen Uyghur déhqanlirimu xitay déhqanlirigha oxshash pul tapalamdu dep sarighinida, u "paxtini jiq térelise jiq tapalaydu, az térse, az tapidu, qilghan emgikige qarap alidu-de! " dep biwaste jawab bermidi.

Xitay déhqan: biz hazir béyi kettuq

Ziyaritimizni qubul qilghan ishlepchiqirish qurulush armiyisining 8 ‏- diwiziyisidiki bu xitay déhqanning melum qilishiche, mezkur diwiziye nahayiti bay bolup hésablinidiken. Mesilen köp sandiki déhqanlarning nechche yüz mo yéri bolup hetta nechche ming mu yéri barlarmu xéli köp sanni igileydiken ziyaritimizni qobul qilghan bu xitay déhqan bu heqte maxtan'ghan halda mundaq dédi:

"Bizning bu yerde hazir yer jiq, adem az. Puli barlar xéli köp sanni igileydu. Shuni déyeleymenki bizning bu diwiziye bashqa diwiziyiler bilen sélishturulghanda eng bay bolup hésablinidu. Biz asasen paxta térish we qumul qoghuni térish bilen béyip kettuq. Xéli köp sandiki a'ililiklerning nechche yüzmu hetta nechche ming molap yéri bar. Yéqinda birsi 2 ming nechche mo yerdin 750 ming kilo paxta hosul élip, 3 milyondin artuq kirim qildi. Bundaq a'ililikler xili köp sanni igileydu. Adette yéri qanche jiq bolsa shunche kop kirim qilalaydu. Ming moluq yer igiliri her yili paxtining özidinla nechche yüz ming yüen kirim qilidu. Shunga bizde yer jiq bolghachqa, biz her yili dégidek, özimiz ülgürüp bolalmighachqa ichkiri ölkilerdin nechche on minglighan emgek küchige mohtaj boliwatimiz. "

Ziyaritimizni qobul qilghan bu xitay déhqanning melum qilishiche, ishlepchiqirish qurulush armiyisining mezkur diwiziyisidiki her yili mezkur jaygha kélip paxta termekchi bolghan xitay déhqanlirigha kélish -kétish poyiz béliti élip béridighanliqini, hetta paxtini eng jiq tergenlerge mukapat ornida bikarliq ayrupilan béliti élip béridighanliqini melum qildi.

Ziyaritimizni qobul qilghan bu xitay déhqanning melum qilishiche, ishlepchiqirish qurulush armiyisining 8 – diwiziyisidiki xitaylarning turmush sewiyisi yillardin buyan hemmining aldida bolup, nechche ming mo yerge ige bolghanlarning sani barghanséri köpiyishke bashlighan. (Méhriban)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.