Хитай һөкүмити пиланлиқ туғутниң уйғур районида яхши иҗра қилинмайватқанлиқини билдүрмәктә

• Мухбиримиз әқидәниң бу һәқтики толуқ мәлумати
• Download story audio

2 - Авғуст күни "шинҗаң хәлқ радио истансиси" уйғур елидә пиланлиқ туғут йолға қоюлғандин буян 3 милйон адәм аз туғулғанлиқини елан қилип узун өтмәй, 8- авғуст күни хитай мәмликәтлик нопус вә пиланлиқ туғут комитетиниң мудири җаң вейчиң ғәрбий шималдики 3 өлкә вә икки аптонум райондики нопусниң шиддәт билән ешип, хитай нопусиниң 6.14٪ Ини игилигәнликини, болупму ниңша билән "шинҗаң" дики аз санлиқ милләтләрдики әнәниви туғут қаришиниң бу йәрдики нопусниң тиз көпийишигә сәвәпчи боливатқанлиқини ейтқан.

Хитай һөкүмити йолға қойиватқан пиланлиқ туғут сиясити уйғур елидә шунчә қаттиқ иҗра қилиниватқан вә уйғурларниң бу хил сиясәтниң қурбани болуватқанлиқини хәлқаралиқ кишилик һоқуқ тәшкилатлири давамлиқ оттуриға қойиватқан бу шараитта, уйғур ели нопусиниң шиддәт билән көпийиши немидин дерәк бериду?