Полат әләмдар: шәрқий түркистан һөрлүккә еришиду

Түркийиниң кино чолпини полат әләмдар бир филимдә «шәрқий түркистан һөрлүкигә еришиду», деди.
Ихтияри мухбиримиз батур
2012-11-23
Елхәт
Пикир
Share
Принт
«Бөриләр вадиси» намлиқ көп қисимлиқ филимдә полат аләмдар исми билән тонулған даңлиқ кино артиси ниҗати шашмаз раваб чалмақта. 2012-Йили июл, түркийә.
«Бөриләр вадиси» намлиқ көп қисимлиқ филимдә полат аләмдар исми билән тонулған даңлиқ кино артиси ниҗати шашмаз раваб чалмақта. 2012-Йили июл, түркийә.
RFA/Erkin Tarim


Бу сөз түркийидә пана филим ширкити ишлигән а т в қанилида қоюлуватқан көп қисимлиқ телевизор филими «куртлар вадиси пусу» йәни «бөриләр вадиси тузақ» филиминиң 22-ноябир қоюлған қисмида баш қәһриман полат әләмдарниң тили арқилиқ берилди.

Филимниң бу қисмида, сүрийидики диктатор түзүмгә қарши көрәш қиливатқан сүрийиликләргә ярдәм қилиш үчүн сүрийигә барған полат әләмдар «әркинликниң бәдәлсиз кәлмәйдиғанлиқини, бу йолда қийинчилиқларниң болидиғанлиқи, һәрқандақ шараитта әркинлик мәшили қәлбләрдә өчмисила, бир күни чечинийә, шәрқий түркистанниң һөрлүкигә еришидиғанлиқи» ни оттуриға қойди.

Филимдә зулумға қарши туруш, әркинлик үчүн тәврәнмәй көрәш қилиш, вәтән милләт үчүн барлиқини тәқдим қилиш, адаләт, һәққанийәт үчүн көрәш қилиш вә мәрдликтә гүзәл әхлақ - пәзиләт вә улуғвар ғайә полат әләмдар ролиға муҗәссәмләшкән болуп, «куртлар вадиси ирақ» вә «куртлар вадиси пәләстин» филимлири бүгүнки оттура шәрқниң иҗтимаий реаллиқини әкс әттүргәнлики үчүн, оттура шәрқ әллиридики хәлқниң алқишиға еришкәниди.

«Пана» филим ширкити ишлигән «куртлар вадиси» вә униң давами болған «куртлар вадиси пусу» 10 йилдин буян түркийидә көрүрмәнлири әң көп болған бирдинбир чатма телевизийә филими.

Пикирләр (0)
Share
Толуқ бәт