Polat elemdar: sherqiy türkistan hörlükke érishidu

Türkiyining kino cholpini polat elemdar bir filimde "Sherqiy türkistan hörlükige érishidu", dédi.
Ixtiyari muxbirimiz batur
2012-11-23
Élxet
Pikir
Share
Print
"Böriler wadisi" namliq köp qisimliq filimde polat alemdar ismi bilen tonulghan dangliq kino artisi nijati shashmaz rawab chalmaqta. 2012-Yili iyul, türkiye.
"Böriler wadisi" namliq köp qisimliq filimde polat alemdar ismi bilen tonulghan dangliq kino artisi nijati shashmaz rawab chalmaqta. 2012-Yili iyul, türkiye.
RFA/Erkin Tarim


Bu söz türkiyide pana filim shirkiti ishligen a t w qanilida qoyuluwatqan köp qisimliq téléwizor filimi "Kurtlar wadisi pusu" yeni "Böriler wadisi tuzaq" filimining 22-noyabir qoyulghan qismida bash qehriman polat elemdarning tili arqiliq bérildi.

Filimning bu qismida, süriyidiki diktator tüzümge qarshi köresh qiliwatqan süriyiliklerge yardem qilish üchün süriyige barghan polat elemdar "Erkinlikning bedelsiz kelmeydighanliqini, bu yolda qiyinchiliqlarning bolidighanliqi, herqandaq shara'itta erkinlik mesh'ili qelblerde öchmisila, bir küni chéchiniye, sherqiy türkistanning hörlükige érishidighanliqi" ni otturigha qoydi.

Filimde zulumgha qarshi turush, erkinlik üchün tewrenmey köresh qilish, weten millet üchün barliqini teqdim qilish, adalet, heqqaniyet üchün köresh qilish we merdlikte güzel exlaq - pezilet we ulughwar ghaye polat elemdar roligha mujessemleshken bolup, "Kurtlar wadisi iraq" we "Kurtlar wadisi pelestin" filimliri bügünki ottura sherqning ijtima'iy ré'alliqini eks ettürgenliki üchün, ottura sherq elliridiki xelqning alqishigha érishkenidi.

"Pana" filim shirkiti ishligen "Kurtlar wadisi" we uning dawami bolghan "Kurtlar wadisi pusu" 10 yildin buyan türkiyide körürmenliri eng köp bolghan birdinbir chatma téléwiziye filimi.

Toluq bet